«Եվրատեսիլ 2017». Ռուսաստանը կներկայացնի Յուլյա Սամոյլովան
Մայիսին Կիեւում մեկնարկող «Եվրատեսիլ» երաժշտական մրցույթին Ռուսաստանը կներկայացնի Յուլյա Սամոյլովան: Երգչուհին հանդես կգա «Flame Is Burning» երգով: Այս մասին ընտրության արդյունքում հայտնել է «Первый канал» հեռուստաալիքը:
«Յուլյան հմայիչ աղջիկ է եւ մրցույթների փորձառու մասնակից»,- ասել է մրցույթում ռուսական պատվիրակության ղեկավար Յուրի Ակսյուտան:
«Ես չափազանց երջանիկ եմ, որ դա տեղի ունեցավ իմ կյանքում, քանի որ դա այն է, ինչին ես գնում էի մանկությունից. հեռուստացույց էի դիտում եւ երազում, ինձ բեմում պատկերացնում: Եվ մայրս ինձ հետ միասին երազում էր: Եվ դա տեղի ունեցավ»,- նշել է Սամոյլովան:
Յուլյան մանկությունից տեղաշարժվում է հաշմանդամի սայլակով, 1-ին կարգի հաշմանդամություն ունի: Պատճառը փոքր տարիքում պոլիոմելիտի դեմ սխալ արված պատվաստմանն օրգանիզմի արձագանքն է: Բայց կյանքը ցույց է տվել, որ դա Յուլյային չի խանգարել սովորել սովորական դպրոցում, ստեղծագործել ու երազել:
Ռուսաստանը հանդես է գալու մրցույթի 2-րդ կիսաեզրափակիչում, որը կկայանա մայիսի 11-ին:
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Մակրոնը և Սթարմերը Ուկրաինայի հարցով հանդիպում են հրավիրել
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԵՔՀ 8-րդ գագաթնաժողովի բացման արարողությունը Երևանում. ուղիղ
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Բելգիայի դեսպանության բացման պաշտոնական արարողություն՝ Երևանում
Հայաստան է ժամանել ՆԱՏՕ-ի գլխավոր քարտուղար Մարկ Ռյուտեն