Արիանա Գրանդեն տարվա լավագույն կին է ճանաչվել՝ ըստ Billboard-ի

Ըստ Billboard պարբերականի՝ ամենամյա «Տարվա կին» անվանակարգի մրցանակակիր է դարձել ամերիկացի երգչուհի և դերասանուհի Արիանա Գրանդեն: Պարբերականի մրցանակաբաշխության արարողությունը տեղի կունենա դեկտեմբերի 6-ին, Նյու Յորքում 13-րդ հանդիսավոր ճաշի և «Կինը երաժշտության մեջ» համերգի ժամանակ: Այս մասին հայտնում է պարբերականի կայքը:

«Նա համարձակություն ունի, նա ստեղծում է իր կարիերայի լավագույն երաժշտությունը, և նա միանգամայն արժանի է «Տարվա կին» կոչմանը»,-ասել է պարբերականի փոխնախագահ Ռոս Սքարանոն:

Այս տարի երգչուհու կատարմամբ մի քանի հիթեր ռադիոկայանների առաջին հորիզոնականներում են հայտնվել, իսկ ԼԳԲՏ հանրության խնդիրների մասին նրա արտահայտությունները հասարակության ուշադրության կենտրոնում են հայտնվել:

Բացի այդ, նա կազմակերպել է One Love Manchester բարեգործական համերգը և 23 մլն դոլար հավաքել՝ հաջակցություն Մանչեսթերում իր համերգի ժամանակ տեղի ունեցած ահաբեկչության զոհերի: