Ռոնալդուն ցույց է տվել հայազգի գործարարի բրենդի թանկարժեք ժամացույցը (լուսանկարներ)

Հայտնի ֆուտբոլիստ Կրիշտիանու Ռոնալդուն Մանչեսթերում «Յուվենտուս» և «Մանչեսթեր Յունայթեդ» ֆուտբոլային ակումբների միջև խաղից առաջ կայացած մամուլի ասուլիսին ներկայացել է հայկական ծագմամբ շվեյցարացի գործարար Վարդան Սիրմաքեշի Franck Muller բրենդի թանկարժեք ժամացույցով, գրում է pulse.ng-ն:

Բրիտանական լրատվամիջոցները պարզել են, որ մարզիկի ձեռքը զարդարող հազվագյուտ ժամացույցը պատրաստված է 424 սպիտակ ու կարմիր ադամանդից ու արժե 1,6 մլն դոլար:

Շվեյցարական բարձրորակ ժամացույցների արտադրությամբ զբաղվող Franck Muller բրենդը հիմնադրվել է 1998թ. շվեյցարացի գործարար Ֆրանկ Մյուլերի ու հայազգի Վարդան Սիրմաքեշի կողմից: 2003թ. Մյուլերն ընկերության բաժնետոմսերի իր փաթեթը վաճառել է Սիրմաքեշին, որն էլ այժմ հեղինակավոր բրենդի սեփականատերն է: