Քանյե Ուեսթը հայտնել է նոր ալբոմի թողարկման մասին

Ամերիկացի ռեփեր Քանյե Ուեսթը հայտնել է նոր ալբոմի թողարկման մասին: Համապատասխան գրառումը նա արել է Twitter-ում:

«Throne2-ը շուտով կթողարկվի», - գրել է երաժիշտը՝ նկատի ունենալով Watch the Throne ալբոմի երկրորդ մասը:

Հայտնի է, որ ալբոմի առաջին մասը թողարկվել է 2011 թվականին: Այն պատրաստվել էր ամերիկացի ռեփեր Ջեյ Զիի հետ: Ալբոմի երկրորդ հատվածի մասին խոսում էին դեռ 2012 թվականին, սակայն այն այդպես էլ լույս չի տեսել՝ երաժիշտների միջև տարաձայնությունների պատճառով:

Billboard-ը կապ է հաստատել Քանյե Ուեսթի և Ջեյ Զիի ներկայացուցիչների հետ, սակայն չի հաջողվել պարզել՝ արդյոք Ջեյ Զին կմասնակցի երկրորդ ալբոմի ձայնագրմանը: Ենթադրվում է, որ ձայնասկավառակը կթողարկվի Chance the Rapper-ի հետ, որի հետ Քանյեն այժմ ալբոմ է ձայնագրում: