Փոքրիկ հայ տղան գերել է ռուսական «Ձայնը» նախագծի ժյուրիի անդամներին

Ռուսաստանի առաջին ալիքով երեկ հեռարձակվեց ռուսական «Голос Дети» նախագծի հերթական թողարկումը: Ինչպես ամեն եթերաշրջանի ընթացքում, այս անգամ եւս նախագծին մասնակցում են տարբեր երկրներից ժամանած փոքրիկներ:

Երեկվա թողարկման ժամանակ, օրինակ, ժյուրիին գերեց 13-ամյա Արտյոմ Սեյրանյանը, որն այնպիսի էներգետիկայով կատարեց AC/DC խմբի «Highway to hell» երգը, որ Դիմա Բիլանն ու Նյուշան չկարողացան զսպել էմոցիաներն ու շրջվեցին` վայելելու փոքրիկ հայ պատանու կատարումը:

Արտյոմի ելույթի ընթացքում չշրջվեց միայն Վալերիյ Մելաձեն, որն իր քայլը բացատրեց այսպես.

«Ես իմ կոլեգաներին, պարզապես, որոշեցի զիջել, այդ պատճառով էլ չշրջվեցի»:

Ինչեւէ, Արտյոմին իրենց թիմում ցանկանում էին տեսնել թե Նյուշան, թե Դիմա Բիլանը, սակայն փոքրիկը կատարեց իր վերջնական որոշումը` ընտրելով Բիլանին:

Արտյոմ Սեյրանյանի ցնցող կատարումը ներկայացնում ենք ձեր ուշադրությանը:

style.news.am