Անդրեյ Մալախովը Նիկոլայ Վալուեւի զարմիկն է. Ելենա Մալիշեւան ներկայացրել է ԴՆԹ-ի անալիզի արդյունքները

Հայտնի հաղորդավարուհի Ելենա Մալիշեւան իր «Здоровье» հաղորդաշարի ընթացքում հայտարարությամբ է հանդես եկել: Ըստ «Дни»-ի՝ վերջերս Մալիշեւան սկսել է ԴՆԹ-թեստեր կատարել. մասնագետները ռուս հայտնիներից թքի նմուշ են վերցնում, իսկ ստացված արդյունքները Մալիշեւան ներկայացնում է իր հաղորդման ընթացքում:

Ընդ որում, նա հայտնում է ոչ միայն տարբեր հիվանդությունների հանդեպ հակվածության եւ կանխարգելման միջոցների, այլեւ մի քանի սերունդ այն կողմ գենետիկ կապի մասին:
Այսպես, պարզվել էր, որ «Пусть говорят» շոուն վարող Անդրեյ Մալախովը կապ ունի նախկին բռնցքամարտիկ Նիկոլայ Վալուեւի հետ, ինչի մասին Անդրեյը տեղեկացրել է Instagram-ում:

«Առավոտը սկսվել է ցնցումով: Նրանց համար, ովքեր բաց են թողել Ելենա Մալիշեւայի հաղորդումը, ներկայացնեմ կարճ բովանդակությունը. 2 ամիս առաջ հաղորդավարուհին ԴՆԹ-ի անալիզ վերցրեց երկրի հայտնի մարդկանցից: Հրավիրելով հաղորդման ձայնագրությանը՝ Լենան սենսացիոն լուր հայտնեց. Նիկոլայ Վալուեւը հայրական գծով իմ եղբայրն է: Մեր քրոմոսոմները համընկնում են: Չգիտեմ՝ որտեղ է սկսվել մեր հայրերի ազգակցական կապը, բայց նման եղբոր կողքին շատ բան սարսափելի չէ»,- պատմել է Անդրեյ Մալախովը՝ նորաթուխ ազգականի հետ համատեղ լուսանկար հրապարակելով:

NEWS.am STYLE