74-ամյա Դե Նիրոյին լուսանկարել են նկարահանման հրապարակում խաղընկերոջը ծեծելիս (լուսանկարներ)

Հոլիվուդյան գերաստղ Ռոբերտ դե Նիրոն, որը հայտնի է համաշխարհային ճանաչում վայելող բազմաթիվ ֆիլմերում քրեական հեղինակության, մաֆիայի պարագլխի դերերով, թեև արդեն 74 տարեկան է, սակայն շարունակում է ֆիլմերում հանդես գալ «զիլ տղայի» կերպարում:

Ինչպես նշում է The Daily Mail-ը, պապարացիները դերասանին լուսանկարել են Մարտին Սկորսեզեի նոր՝ «Իռլանդացին» ֆիլմի նկարահանման հրապարակում:

Աղբյուրը մանրամասնում է, որ նրանք բռնացրել են այն պահը, երբ Դե Նիրոն փողոցում ծեծում է դերակատարներից մեկին:

Նշվում է, որ «Իռլանդացին» ֆիլմը, որի բյուջեն 125 մլն դոլար է, պատմում է իրական հանցագործ Ֆրենք «իռլանդացի» Շիրանի մասին: Դե Նիրոն մարմնավորում է գլխավոր հերոսին: