Ինչ է իրականում կատարվում Իրանում
Իրանում բավական լուրջ իրադարձություններ են ծավալվում: Այնքան լուրջ, որ դա կարող է փոխել մեր տարածաշրջանի պատկերը: Անկախ նրանից, թե ինչով կավարտվեն աննախադեպ բողոքի գործողությունները, պարզ է, որ Իրանը արմատական վերափոխումների ճանապարհին է:
Իրավիճակն այնքան լուրջ է, որ այն այլեւս չեն կարողանում թաքցնել Իրանի իշխանությունները: Իրանի Իսլամական Հանրապետության նախագահ Հասան Ռուհանին անդրադարձել է բողոքի գործողություններին, ասելով, թե որն է զանգվածային գործողությունների պատճառը եւ տալով մեղավորների անունները:
Նա ընդունում է, որ բողոքի գործողությունների պատճառը երկրում առկա խնդիրներն են: Միաժամանակ, նա ասել է, թե այլ երկրները փորձում են սրել իրավիճակը:
«Փողոցում գտնվողներից ոչ բոլորն են գործում օտարերկրյա ուժերի ցուցումով: Կան նաեւ նրանք, ովքեր բողոքում են առկա խնդիրներից»,- ասել է նա:
Նա ասել է, թե այս իրավիճակում պետք է գտնել խնդիրների խորքային պատճառները: Այսպիսով, Իրանի իշխանությունները կամ գոնե նրա մի մասն ընդունում է, որ երկրում լուրջ խնդիրներ կան եւ դրանք սպասում են իրենց լուծմանը:
Իսկ մինչ իշխանությունները փորձում են գտնել խնդիրների պատճառները, տասներկու մարդ արդեն զոհվել է բախումների ժամանակ:
Իրանում ստեղծված իրավիճակին անդրադարձել է նաեւ ԱՄՆ նախագահ Դոնալդ Թրամփը: Նա ասել է, թե Իրանում եկել է փոփոխությունների ժամանակը:
«Իրանը փլուզվում է բոլոր մակարդակներում, չնայած Օբամայի վարչակազմի հետ կնքած սարսափելի համաձայնագրին: Երկար տարիներ իրանցի մեծ ժողովուրդը կքված է բռնաճնշումների ներքո: Նրանք ազատության եւ սննդի քաղց ունեն: Իրանը խնդիրներ ունի ոչ միայն մարդու իրավունքների, այլ նաեւ նյութական բարեկեցության հարցերում: Եկել է փոփոխությունների ժամանակը»,- թվիթերում գրել է Թրամփը:
Անկասկած, եթե Իրանում բողոքի գործողությունները թույլ լինեին, ապա Թրամ,փը նման գրառում չէր անի: Իսկ հիմա նա հասկացնում է, որ կանգնած է ազատության ձգտող իրանցիների կողքին, եւ որ հնարավոր փոփոխություններից հետո Իրանը կվերածվի ԱՄՆ-ին բարեկամ պետության:
Իրանի հետ բարեկամության մասին է երազում նաեւ Իսրայելի առաջնորդ Բենյամին Նաթանյահուն: Նա իր աջակցությունն է հայտնել փողոց դուրս եկած իրանցիներին եւ հաջողություններ մաղթել:
«Իրանի գործող վարչակազմը շարունակ փորձում է ատելություն սերմանել մեր միջեւ: Բայց նրանք կձախողվեն: Եւ երբ այս վարչախումբն ընկնի, իրանցիներն ու իսրայելցիները կրկին հրաշալի ընկերներ կդառնան»,- թվիթերյան տեսաուղերձում ասել է Նաթանյահուն:
Նա հատուկ ընդգծել է, որ Իսրայելը որեւէ կապ չունի Իրանում սկսված զանգվածային գործողությունների հետ:
Այսպիսով, մեր հարեւան երկրում լուրջ իրադարձություններ են տեղի ունենում: Մենք պետք է պատրաստ լինենք ցանկացած զարգացման: Մոտ ութսուն միլիոնանոց Իրանում ցանկացած քաոսային վիճակ անպայման անդրադառնալու է մեզ վրա: Փոփոխություններն Իրանում, անկասկած, փոփոխություններ կառաջացնեն նաեւ հայ-իրանյան բազմադարյան փոխհարաբերություններում:
Հակոբ Ասատրյան
Top-News.am
Իրանը պնդում է, որ հրթիռների պակաս չունի
Իրանը իր կարողությունների միայն մի փոքր մասն է օգտագործել՝ ի պատասխան Իսրայելի հարձակումների․ Արաղչի
Կատարը Իրանի էներգետիկ օբյեկտների վրա հարվածները որակել է «վտանգավոր և անպատասխանատու»
Արաղչի. Իրանը կպատերազմի մինչև Թրամփը հասկանա, որ պատերազմ սկսելը սխալ էր
Իրանի Կարմիր մահիկի ընկերությունը հայտնել է երկրում ավելի քան 54 հազար բնակարանի ոչնչացման մասին
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...