Տեղումներ կլինեն առանձին շրջաններում վաղը

Հանրապետությունում այսօր սպասվում է առանց տեղումների եղանակ։ Տեղումներ կլինեն առանձին շրջաններում վաղը` փետրվարի 18-ի երեկոյան եւ փետրվարի 19-ին։

Նախալեռնային և հովտային շրջաններում տեղումները կլինեն անձրևի և ձնախառն անձրևի, լեռնային շրջաններում՝ ձյան և ձնախառն անձրևի տեսքով։

Օդի ջերմաստիճանը այսօր եւ վաղն աստիճանաբար կբարձրանա ևս 2-3 աստիճանով:

Երեւանում այսօր սպասվում է առանց տեղումների եղանակ։ Վաղը ուշ երեկոյան եւ փետրվարի 19-ին` անձրեւ։

Այսօր ցերեկը մայրաքաղաքում կլինի +13 +15, երեկոյան` +7 +9, գիշերը` +3 +5 աստիճան։

Երեւանում ամենատաք փետրվարի 17-ն արձանագրվել է 2016 թվականին` 17.6°C, ամենացուրտը` 2017 թվականին` — 15.3°C։