Չի կարող այսօր բանակում լինել մեկը, ով ասի՝ ունեմ բարձր պատրաստվածություն, բայց չեմ վարձատրվում. Պապիկյան
Ես հասկանում եմ, որ ընդդիմության գործը քննադատելն է, բայց, սիրելի՛ ընդդիմություն, երբ խոսում եք հավասարությունից, այո՛, բանակում շատ կարևոր է օրենքի առաջ բոլորի հավասար լինելը, բայց բանակում շատ կարևոր է, որ մարդիկ իրենց աշխատանքի, իրենց պատրաստության մակարդակին համապատասխան բավարարում ստանան, գումար ստանան: Այս մասին ««Զինվորական ծառայության և զինծառայողի կարգավիճակի մասին» օրենքում փոփոխություններ և լրացումներ կատարելու մասին» օրենքի նախագծի քննարկման ժամանակ եզրափակիչ ելույթում ասաց ՀՀ պաշտպանության նախարար Սուրեն Պապիկյանը:
«Մենք չենք կարող ոչինչ չանող, պարզապես համազգեստ հագնող մարդուն ու պատրաստականության բարձր աստիճան ունեցող մարդուն, բարձր աստիճան ունեցող զինվորականին հավասար կերպով վարձատրենք: Բա էլ ինչպե՞ս ընդգծենք, որ մեր քաղաքականությունը, մեր իդեալը լավ զինվորականն է:
Հիմա հարց է բարձրացվում. թիկունքային աշխատողը ինչի՞ է ավելի պակաս ստանում, քան հատուկ ուժերի ստորաբաժանման զինվորները: Ռիսկայնությունը, պարոն Մանուկյան, կյանքի հետ կապված ռիսկերով է պայմանավորված, ֆիզիկական պատրաստվածության մակարդակով է պայմանավորված»,- ասաց նախարարը՝ դիմելով ԱԺ նիստերի դահլիճում գտնվող ընդդիմադիր պատգամավոր Գեղամ Մանուկյանին:
Նրա խոսքով՝ համակարգերը, մեխանիզմները այսօր հավասարապես ստեղծված են բոլորի համար:
«Չի կարող այսօր բանակում լինել մեկը, ով ասի՝ ես ունեմ բարձր պատրաստվածություն, բայց չեմ գնահատվում, չեմ վարձատրվում: Չկա նման բան պարզապես:
Սիրելի՛ հայրենակիցներ, ես ուզում եմ՝ մենք ճիշտ ընկալենք «Պաշտպան հայրենյաց» ծրագիրը և, ըստ էության, համակարգը: Սա դառնում է մեր բանակի համար լրջագույն հենարան, և սա մի ուրույն միավոր է, որը դառնալու է մեր բանակի հենասյունը ու դառնալու է մեր բանակի պայմանագրային համալրման ամենակարևոր խողովակը:
Սա խողովակ է, որը կապում է պարտադիր ժամկետային զինծառայությունը պրոֆեսիոնալ պայմանագրային ծառայության հետ, և քանի որ մեր տեսլականն է ունենալ պրոֆեսիոնալ բանակ, բայց միևնույն ժամանակ չհրաժարվել ժամկետային ծառայությունից, կարողանում ենք ստեղծել միմյանց փոխլրացնող այս կարևոր համակարգը»,- խոսքը եզրափակեց պաշտպանության նախարարը:
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Մակրոնը և Սթարմերը Ուկրաինայի հարցով հանդիպում են հրավիրել
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԵՔՀ 8-րդ գագաթնաժողովի բացման արարողությունը Երևանում. ուղիղ
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Բելգիայի դեսպանության բացման պաշտոնական արարողություն՝ Երևանում
Հայաստան է ժամանել ՆԱՏՕ-ի գլխավոր քարտուղար Մարկ Ռյուտեն