Մահացել է Ոստիկանության պետի նախկին տեղակալ Տիգրան Եսայանը

Հունվարի 25-ին կյանքից հեռացել է Ոստիկանության պետի նախկին տեղակալ, ոստիկանության պաշտոնաթող գնդապետ Տիգրան Եսայանը:

Հոգեհանգիստը տեղի կունենա հունվարի 27-ին՝ Նոր Նորքի Սուրբ Սարգիս եկեղեցում, ժամը 17.00-ից 20.00-ն:

Հուղարկավորությունը հունվարի 28-ին՝ նույն վայրից:

Տիգրան Միքայելի Եսայանը ծնվել է 1962 թ. սեպտեմբերի 1-ին, Երևանում:

1980-1984 թթ. սովորել է ԽՍՀՄ ՆԳՆ Օմսկի միլիցիայի բարձրագույն դպրոցում: Իրավաբանական գիտությունների թեկնածու է, 2016 թվականից՝ ՀՀ գիտությունների ազգային ակադեմիայի փիլիսոփայության, սոցիոլոգիայի և իրավունքի ինստիտուտի պետաիրավական հետազոտությունների բաժնի դոկտորանտ:

Տիգրան Եսայանը ՆԳՆ համակարգում ծառայության տարիներին զբաղեցրել է մի շարք պաշտոններ:

Ծառայության է ընդունվել 1979 թ. նոյեմբերին՝ որպես Քրեական պատիժների իրականացման վարչության ուղղիչ աշխատանքային հիմնարկության հատուկ մասի տեսուչ:
1984-1990 թթ. ծառայության է անցել Երևանի Սպանդարյանի ՆԳ բաժնում՝ որպես քրեական հետախուզության բաժանմունքի օպերլիազոր, այնուհետև ավագ օպերլիազոր,
1990-1991 թթ.՝ Երևանի ՆԳ վարչության քրեական հետախուզության բաժնի 2-րդ բաժանմունքի օպերլիազոր, ավագ օպերլիազոր,
1991-1993 թթ.՝ Երևանի ՆԳ վարչության Խորհրդային ՆԳ բաժնի Քանաքեռի միլիցիայի բաժանմունքի պետ,
1993-1994 թթ.՝ Էջմիածնի ՆԳ բաժնի պետ,
1994-1995 թթ.՝ Երևանի ՆԳ վարչության Շենգավիթի ՆԳ բաժնի պետ,
1995-1996 թթ.՝ Երևանի ՆԳ վարչության Խորհրդային ՆԳ բաժնի պետ,
1996-1998 թթ.՝ Արմավիրի մարզային ՆԳ վարչության պետ,
1998-2000 թթ.՝ Տրանսպորտային ՆԳ վարչության պետ,
2000-2002 թթ.՝Արարատի մարզային ՆԳ վարչության պետ,
2002-2008 թթ.՝ Տրանսպորտային ՆԳ վարչության պետ
2008-2011 թթ.՝ Արմավիրի մարզային վարչության պետ
2012-2019 թթ.՝ Ոստիկանության կրթահամալիրի պետի 1-ին տեղակալ
ՀՀ նախագահի հրամանագրով 2019 թ. նոյեմբերի 27-ին նշանակվել է Ոստիկանության պետի տեղակալ:

Պարգևատրվել է մի շարք գերատեսչական մեդալներով և կրծքանշաններով:

Մի շարք գիտական ձեռնարկների և հոդվածների հեղինակ է: