Իսպանիայի վարչապետը եռօրյա սուգ է հայտարարել գնացքների ողբերգական վթարից հետո
Իսպանիայի կառավարությունը եռօրյա սուգ է հայտարարել Անդալուսիայի ինքնավար համայնքի Կորդոբա նահանգում երկու գնացքների բախման հետևանքով 39 մարդու զոհվելու կապակցությամբ։ «Արմենպրես»-ի փոխանցմամբ՝ այս մասին հաղորդում է Sky News պարբերականը։
Ըստ հրապարակման՝ Իսպանիայի վարչապետ Պեդրո Սանչեսը, որն այցելել է վթարի վայր, հայտարարել է, որ ազգային եռօրյա սուգը կսկսվի կեսգիշերից։ Վարչապետը նաև խոստացել է պարզել վթարի պատճառները։
Շուրջ 170 մարդ վիրավորվել է, որոնցից 48-ը դեռ հիվանդանոցում են։
Վթարը տեղի է ունեցել հունվարի 18-ի երեկոյան, երբ Մալագա-Մադրիդ երթուղով ընթացող գնացքը դուրս է եկել գծերից և հայտնվել հարակից գծերի վրա, որոնցով ընթանում էր Մադրիդից Ուելվա մեկնող գնացքը։ Հարվածի հետևանքով այս գնացքը նույնպես դուրս է եկել գծերից։
Երկու գնացքում եղել է շուրջ 400 ուղևոր։ Վթարի պատճառը դեռևս հայտնի չէ: Իսպանիայի տրանսպորտի նախարարն ավելի վաղ հայտնել էր, որ «շատ տարօրինակ» է, որ գնացքը գծերից դուրս է եկել երկաթգծի ուղիղ հատվածում, որի վերանորոգման համար մայիսին հատկացվել էր 700 միլիոն եվրո։ Ըստ նախարարի՝ նոր էր նաև գնացքը:
Զոհերի և վիրավորների մեծ մասը եղել են Ուելվա ուղևորվող գնացքի առջևի վագոններում։ Զոհերի մի մասին դեռ չի հաջողվել նույնականացնել։
Ցիկլոնի ներթափանցմամբ պայմանավորված տեղումներ, բուք կլինեն
Դադարեցրել եմ անդամակցությունս «Քաղաքացիական պայմանագիր» կուսակցությանը․ Վլադիմիր Վարդանյան
Ինչո՞ւ չունենք կանաչ Երևան
Տղամարդն Իրանից Հայասատան է տեղափոխել 22 կգ թմրամիջոցով պարկ
Պարզեցվել է անհատական բնակելի տների կառուցման գործընթացը
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Գյումրու գլխավոր ճարտարապետը մեղադրյալի աթոռին է՝ կաշառք ստանալու, պաշտոնեական կեղծիքի համար
Հայաստանում 2025 թվականի ընթացքում արտադրված էլեկտրաէներգիայի 14%-ը բաժին է հասնում արևային կայաններ...
Իրանի հարստացված ուրանի պաշարները միջուկային օբյեկտների փլատակներում են
Սահարայի ավազները սպիտակել են