ԱՄՆ-ն ցանկանում է վերակազմակերպել ռազմական հրամանատարական համակարգը․ The Intercept

ԱՄՆ իշխանությունները մտադիր են վերակազմավորել զինված ուժերի հրամանատարությունների համակարգը և միավորել դրանք ավելի խոշոր ստորաբաժանումների մեջ՝ ազգային անվտանգության ռազմավարությանը համապատասխան խնդիրներն առավել արդյունավետ իրականացնելու համար։ Միացյալ Նահանգների վարչակազմն ավելի շատ կենտրոնանում է Արևմտյան կիսագնդում տեղի ունեցող իրադարձությունների վրա և քիչ է հետաքրքրված այլ տարածաշրջաններով, մասնավորապես՝ Աֆրիկայով, հայտնում է The Intercept պորտալը։

Ինչպես պորտալին հայտնել է ԱՄՆ իշխանությունների ներկայացուցիչը, հրամանատարության կառուցվածքի փոփոխությունները թույլ կտան արտերկրում «կարգավորել» ԱՄՆ գործողություններն և «վերակողմնորոշել» ուժերն ու միջոցները՝ ազգային անվտանգության ռազմավարության շրջանակներում խնդիրների կատարմանը։ Փաստաթղթում, ի թիվս այլնի, նշվում է, որ ԱՄՆ-ը «խուսափելու է Աֆրիկայում ցանկացած երկարաժամկետ ներկայությունից կամ [անվտանգության ապահովման] պարտավորություններից» և «Մերձավոր Արևելքի անվերջ պատերազմներից, որոնց մեջ [ԱՄՆ-ը] խրվել է»։