«Պաշտպան հայրենյաց» ծրագրի քննությունների արդյունքներով զինծառայողները կահամարվեն ավտոմատ ատեստավորված

Կառավարությունն իր այսօրվա՝ դեկտեմբերի 25–ի նիստում հավանություն տվեց §Զինվորական ծառայության և զինծառայողի կարգավիճակի մասին¦ օրենքում փոփոխությունների նախագծին։ Օրենքի նախագծի ընդունումը պայմանավորված է զինծառայողների պարտադիր ատեստավորման դեպքերի հստակեցման, «Պաշտպան հայրենյաց» ծրագրով ծառայություն անցնող զինծառայողների կողմից պայմանագրային զինվորական ծառայությունը շարունակելու գրավչությունն ապահովելու անհրաժեշտությամբ:

Հիմնավորման մեջ նշվում է, որ անհրաժեշտություն է առաջացել հստակեցնել երեք անգամ անընդմեջ ատեստավորում չանցնելու դեպքում զինծառայողին զբաղեցրած պաշտոնից ազատելու և ցածր պաշտոնի նշանակելու պայմանը:

Բացի այդ, առաջարկվում է առաջին 5 տարի ժամկետով պայմանագրային զինծառայություն անցած զինծառայողներին հնարավորություն տալ երկու կամ հինգ տարի ժամկետով հերթական պայմանագիր կնքելու դեպքում ևս նախատեսել համապատասխան չափով պատվովճար ստանալու իրավունք (2 տարի ժամկետով հերթական պայմանագիր կնքած զինծառայողին պայմանագրի ժամկետը լրանալու հիմքով 1,5 մլն դրամ, իսկ 5 տարի ժամկետով հերթական պայմանագիր կնքած զինծառայողին՝ 5 մլն դրամ պատվովաճար):