Դանիայում տղամարդը կուղբերի պատճառով դատարան է դիմել եւ տանուլ տվել գործը

Դանիայում տղամարդը տանուլ է տվել դատական գործը՝ փորձելով փոխհատուցում ստանալ կուղբերի փչացրած գույքի դիմաց, հայտնում է The Local-ը։

Արեւմտյան Յուտլանդիայի բնակիչ Ֆինդ Անդերսեն-Ֆրյուդալը դատական հայց է ներկայացրել Դանիայի բնության պաշտպանության գործակալության դեմ այն բանի համար, որ կուղբերը վնաս են հասցրել իր հողատարածքի ծառերին եւ լճին։ Տղամարդը 200-300 դանիական կրոն՝ 37-40 հազար եվրո փոխհատուցում է պահանջել։

Սակայն Հոլստեբրո քաղաքի դատարանը մերժել է Ֆինդի հայցը եւ նրան պարտավորեցրել գործակալությանը 4 հազար եվրո վճարել դատական ծախսերի համար։ Որոշման մեջ ասվում է, որ կազմակերպությունն արդեն տղամարդուն հատուցել է վնասը։ Ավելին՝ գույքին վնաս հասցրած կուղբերը հազվագյուտ տեսակի են պատկանում եւ բարենպաստ են ազդում էկոհամակարգի վրա։

Տղամարդը նշել է, որ պատրաստվում է բողոքարկել վճիռը։

Լուրեր Հայաստանից - NEWS.am