Նման որոշում է ընդունել Լա Ռիոխայի ինքնավար համայնքի Գերագույն տարածաշրջանային դատարանը, հայտնել է դատական համակարգը: Ճակատագրական սխալը տեղի է ունեցել 23 տարի առաջ։
Ե՛վ հայցվորը, որը պահանջում էր ավելի քան 3 միլիոն եվրո, և՛ տարածաշրջանային առողջապահական ծառայությունը կարող են որոշումը բողոքարկել Իսպանիայի Գերագույն դատարանում:
Ճակատագրական խառնաշփոթը տեղի է ունեցել 2002 թվականի հունիսին Լոգրոնյոյի Սան Միլան հիվանդանոցում, որը Մադրիդից մոտավորապես 350 կիլոմետր հյուսիս-արևելք է։ Երկու նորածին աղջիկ, որոնց ինքնությունը չեն բացահայտում, դուրս են գրվել հիվանդանոցից և անհայտ պատճառներով ուղարկվել սխալ ծնողների մոտ։
Սխալը հայտնաբերվել է միայն տարիներ անց՝ պատահաբար, այն բանից հետո, երբ աղջիկներից մեկը ԴՆԹ թեստ է անցել։ Միայն 2021 թվականին, առողջապահական մարմինների կողմից տարիներ տևած հետաքննությունից հետո, երկու կանայք էլ վերջապես իմացան, որ այս խառնաշփոթի պատճառով նրանք մեծացել են իրենց կենսաբանական ծնողներից հեռու՝ տարբեր ընտանիքներում: Այդ ժամանակ իշխանությունները միջադեպն անվանեցին «մարդկային սխալ»:
Երկրորդ տուժածը նույնպես մոտ երեք միլիոն եվրոյի չափով փոխհատուցում է պահանջում: Երկու կանայք էլ Լա Ռիոխա շրջանի իշխանությունների կողմից նշանակված սկզբնական՝ յուրաքանչյուրին 850 հազար եվրո փոխհատուցումը անբավարար են համարում:
Երկու դեպքերից մեկում իրավասու դատարանը փոխհատուցումը մեծացրել է 125 հազար եվրոյով: Որոշման պատճառաբանության մեջ, ի թիվս այլ փաստերի, նշվել է, որ սխալը հայտնաբերելուց հետո զոհն արդեն չի կարողացել կապ հաստատել իր կենսաբանական մոր հետ, որը մահացել էր 2018 թվականին:
Երեխաներին փոխս գցելն «անդառնալի վնաս» է պատճառել, ուստի ավելի քան երեք միլիոն եվրո փոխհատուցման պահանջն արդարացված է, հայտարարել է հայցվորի փաստաբան Խոսե Սաես Մորգան:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
ԵՔՀ 8-րդ գագաթնաժողովի բացման արարողությունը Երևանում. ուղիղ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ