Դանիան մեկնաբանել է Թրամփի կողմից Գրենլանդիայի հարցերով հատուկ դեսպանորդի նշանակումը
ԱՄՆ նախագահ Դոնալդ Թրամփի կողմից Գրենլանդիայի հարցերով հատուկ դեսպանորդի նշանակումը ցույց է տալիս, որ կղզու նկատմամբ ԱՄՆ հետաքրքրությունը շարունակում է պահպանվել, հայտարարել է Դանիայի արտաքին գործերի նախարար Լարս Լյոկե Ռասմուսենը։
Թրամփը երկուշաբթի օրը հայտարարել է Լուիզիանայի նահանգապետ Ջեֆ Լենդրիին Գրենլանդիայի հարցերով հատուկ բանագնաց նշանակելու մասին։ Ավելի ուշ Լենդրին հաստատել է Գրենլանդիան ԱՄՆ-ի մաս դարձնելու Վաշինգտոնի մտադրությունը։
«Այս նշանակումը վկայում է այն մասին, որ ԱՄՆ-ի հետաքրքրությունը Գրենլանդիայի նկատմամբ պահպանվում է։ Այդուհանդերձ, մենք ընդգծում ենք, որ բոլորը, այդ թվում՝ ԱՄՆ-ը, պետք է հարգանք դրսևորեն թագավորության տարածքային ամբողջականության նկատմամբ», - DR հեռուստառադիոընկերությանը տված մեկնաբանության մեջ հայտարարել է նախարարը։
Թրամփը բազմիցս հայտարարել է, որ Գրենլանդիան պետք է Միացյալ Նահանգների մաս դառնա։ Նա ընդգծել է դրա ռազմավարական կարևորությունը՝ ազգային անվտանգության և «ազատ աշխարհի» պաշտպանության համար, այդ թվում՝ Չինաստանից և Ռուսաստանից։ Գրենլանդիայի նախկին վարչապետ Մուտե Էգեդեն պատասխանել է, որ կղզին չի վաճառվում և երբեք չի վաճառվի։ Միևնույն ժամանակ, Թրամփը հրաժարվել է խոստում տալ, որ ռազմական ուժ չի կիրառի Գրենլանդիայի նկատմամբ վերահսկողություն հաստատելու համար։
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
ԵՔՀ 8-րդ գագաթնաժողովի բացման արարողությունը Երևանում. ուղիղ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ