Ամերիկայի հայկական համագումարը ողջունել է կոնգրեսական Ֆլորիդայից հանրապետական կոնգրեսական Գաս Բիլիրակիսի եւ Նյու Ջերսիից դեմոկրատ Ֆրենք Փալոունի Ներկայացուցիչների պալատ ներկայացրած «Հայաստանի գործընկերային անվտանգության մասին ակտը»։
Օրինագծին միացել են նաեւ Կոնգրեսի հայկական հարցով խմբակցության մյուս անդամները։ Երկկուսակցական այս օրենսդրական նախաձեռնությունը նպատակ ունի էականորեն խստացնել Ադրբեջանի վարքագծի նկատմամբ ԱՄՆ վերահսկողությունը և ամրապնդել Ամերիկայի հանձնառությունը Հայաստանի անվտանգության, ինքնիշխանության և մարդու իրավունքների պաշտպանության հարցում։
Օրինագիծը պարտադրում է Պենտագոնի ղեկավարին հավաստել, որ Ադրբեջանի կառավարությունը ձեռնարկել է «իմաստալից քայլեր» խաղաղության ուղղությամբ, այդ թվում՝ դուրս է բերել իր զինված ուժերը Հայաստանի ինքնիշխան տարածքից, անվերապահորեն ազատ է արձակել բոլոր հայ պատանդներին, դադարեցրել է ռազմական գործողությունները և ճանաչել է Լեռնային Ղարաբաղի հայերի վերադարձի իրավունքը՝ միաժամանակ ապահովելով նրանց մշակութային և կրոնական ժառանգության հուշարձանների պաշտպանությունը։
Ըստ օրինագծի՝ եթե Ադրբեջանը չի բավարարում նշված չափանիշները, պատերազմի նախարարությունը պարտավոր է անմիջապես վերանայել Հայաստանի անվտանգության կարիքները և առաջարկել քայլեր՝ Հայաստանի պաշտպանական կարողությունները ուժեղացնելու համար։
Օրինագիծը նաև արգելում է նախագահին հրաժարվել «Ազատության աջակցության մասին» օրենքի 907-րդ հոդվածի կիրառումից՝ ապահովելով, որ ԱՄՆ հարկատուների միջոցները չկարողանան աջակցել կամ նպաստել ադրբեջանական ագրեսիային։ «Հայաստանը կարևոր գործընկեր է անկայուն տարածաշրջանում և արժանի է իրական ու նշանակալի աջակցությանը՝ իր ինքնիշխանության և անվտանգության շարունակական սպառնալիքների պայմաններում»,- հայտարարել է կոնգրեսական Բիլիրակիսը։
Իր հերթին կոնգրեսական Փալոունը նշել է, որ չափազանց երկար ժամանակ Ադրբեջանին թույլ է տրվել «անպատժելիորեն ապակայունացնել Հարավային Կովկասը, իրականացնել սարսափելի մարդու իրավունքների խախտումներ և սպառնալ հայ ժողովրդին»։
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
ԵՔՀ 8-րդ գագաթնաժողովի բացման արարողությունը Երևանում. ուղիղ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ