Կառավարության ֆինանսավորմամբ նորոգվել է Երևանի մետրոպոլիտենի «ուղեղը»՝ կարգավարական կենտրոնը
Երևանի մետրոպոլիտենը շարունակում է իր ենթակառուցվածքների փուլային արդիականացումը՝ ուղևորների հարմարավետությունն ու անվտանգությունն առաջնահերթություն դիտարկելով։
Կառավարության ֆինանսավորմամբ 600 միլիոն դրամի ներդրման շրջանակում, որի առաջին փուլով 2025 թվականի ընթացքում 170 միլիոն դրամի չափով ամբողջությամբ փոխարինվել է Երևանի մետրոպոլիտենի կարգավարական կենտրոնի ղեկավարման հին վահանակը, որը գործում էր 80-ականների վերջերից և այլևս չէր համապատասխանում ժամանակակից տեխնիկական պահանջներին։
Կարգավարական կենտրոնը մետրոպոլիտենի «ուղեղն» է, որտեղից իրականացվում է գնացքների շարժի օպերատիվ կառավարումն ու վերահսկումը ողջ գծի երկայնքով՝ ներառյալ երթևեկության անվտանգության ապահովումը, միջակայքերի և ժամանակացույցերի կարգավորումը, ինչպես նաև արտակարգ իրավիճակներին արագ արձագանքը։
Ծրագրով նախատեսվում է փուլ առ փուլ արդիականացնել մետրոպոլիտենի բոլոր կարգավարական և կառավարման կենտրոնները, ինչը կբարձրացնի երթևեկության կառավարման արդյունավետությունն ու մետրոպոլիտենի շահագործման անվտանգության ընդհանուր մակարդակը։
Մետրոպոլիտենի կոմունիկացիոն ծառայության ղեկավար Արթուր Սերոբյանը կարգավարական կենտրոնում գլխավոր տնօրենի ժ/պ Բաբկեն Սեդրակյանին ներկայացրեց նոր վահանակի հնարավորությունները և աշխատանքային հետագա փուլերի ժամանակացույցը։
Ցիկլոնի ներթափանցմամբ պայմանավորված տեղումներ, բուք կլինեն
Դադարեցրել եմ անդամակցությունս «Քաղաքացիական պայմանագիր» կուսակցությանը․ Վլադիմիր Վարդանյան
Ինչո՞ւ չունենք կանաչ Երևան
Տղամարդն Իրանից Հայասատան է տեղափոխել 22 կգ թմրամիջոցով պարկ
Պարզեցվել է անհատական բնակելի տների կառուցման գործընթացը
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Գյումրու գլխավոր ճարտարապետը մեղադրյալի աթոռին է՝ կաշառք ստանալու, պաշտոնեական կեղծիքի համար
Իրանի հարստացված ուրանի պաշարները միջուկային օբյեկտների փլատակներում են
Հայաստանում 2025 թվականի ընթացքում արտադրված էլեկտրաէներգիայի 14%-ը բաժին է հասնում արևային կայաններ...
Իրանի հանգուցյալ գերագույն առաջնորդի կինը ողջ է