Ով, որքան եւ ինչ կշահի արքայազն Հարիի և ամերիկյան դերասանուհի Մեգան Մարքլի հարսանիքից

Արքայազն Հարիի և ամերիկյան դերասանուհի Մեգան Մարքլի՝ գարնանը կայանալիք հարսանիքը Մեծ Բրիտանիայի տնտեսությանը մոտ 700 մլն դոլարի օգուտ կբերի, հայտնում է The Daily Mail-ը:

Աղբյուրը մանրամասնում է, որ ամբողջ աշխարհում թագավորական ընտանիքում սպասվող ամուսնության նկատմամբ հետաքրքրությունը կհանգեցնի զբոսաշրջիկների թվաքանակի աճին: Բացի այդ, մեծ քանակությամբ կվաճառվեն զույգին վերաբերող հուշանվերներ:

Ոլորտի փորձագետների համաձայն՝ 33-ամյա արքայազնի նշանածի նախընտրած հագուստն ու նորաձև պարագաները մեծ արագությամբ վաճառվում են առցանց կայքերում: Օրինակ՝ մոտ 700 դոլարանոց պայուսակը, որը Մարքլը բռնել է նշանադրության մասին պաշտոնապես հայտարարելու հաջորդ օրը, մի քանի ժամում ամբողջությամբ վաճառվել է բրենդի կայքում: Մասնագետները սա անվանել են «Մեգանի էֆեկտ»:

Մեծ Բրիտանիայի թագուհի Եղիսաբեթ II-ը չի մասնակցի թոռան՝ Հարիի եւ ամերիկացի դերասանուհի Մեգան Մարքլի հարսանիքին: Այս մասին գրում է elle.ru-ն: Պատճառ այն է, որ Մեգան Մարքլն ամուսնալուծված է, իսկ թագունին Անգլիական եկեղեցու գլուխն է: Անգլիական եկեղեցին կտրականապես դեմ է ամուսնալուծություններին, եւ նույնիսկ այն դեպքում, որ Եղիսաբեթ II-ն իր օրհնությունը տվել է զույգին, չի պատրաստվում դեմ գնալ ավանդույթներին:

Նման նախադեպ արդեն եղել է: 2005 թ. թագուհին չի մասնակցել սեփական որդու՝ Ուելսյան արքայազն Չարլզի հարսանիքին, քանի որ նա ժամանակին ամուսնալուծվել էր արքայադուստր Դիանայից:

Լրատվամիջոցները քննարկում են նաեւ այն, թե ինչ կշահի Մեգան Մարքլը, եթե նրա միությունն արքայազն Հարրիի հետ հարատեւ չլինի: Նշվում է, որ նրանք, ամենայն հավանականությամբ, ամուսանական պայմանագիր չեն կնքի: Ամուսնական պայմանագիր չեն կնքել նաեւ արքայազն Ուիլիամն ու Քեյթը, ինչպես նաեւ արքայազն Չարլզն ու Քամիլա Փարքեր Բոուլզը:

Հարրի տարեկան եկամուտը կազմում է մոտ 40 մլն դոլար, որի մի մասը նա ստանում է հոր ունեցվածքից: Հոր եկամուտը բաժանվում է նրա, Ուիլիամի եւ Քեյթի միջեւ: Ամուսնությունից հետո Մեգանը մոտ 5 մլն դոլար կստանա: Ամուսնալուծությունից հետո Մեգանը կարող է կորցնել 5 մլն դոլարը: Մատանին, որը Հարրին նրան նվիրել է, նա նույնպես չի կարող իրեն պահել, քանի որ թագավորական սեփականություն է: Նշվում է, որ նա կարող է հույսը դնել միայն ալիմենտի վրա: