19-ամյա հայուհին կպայքարի «Միսս Մոսկվա-2017» տիտղոսի համար

Մոսկվայի հայ համայնքի ներկայացուցիչ հանդիսացող Դիանա Հակոբյանը դասվել է Ռուսաստանի մայրաքաղաքի ամենագեղեցիկ աղջիկների թվին, որոնք պայքարում են «Միսս Մոսկվա-2017» տիտղոսի համար, գրում է rusarminfo.ru կայքը:

Հայտնի է, որ մրցույթին մասնակցության հայտ է ներկայացրել 800 աղջիկ, ընտրվել են միայն 40-ը, նրանց թվում է նաև 19-ամյա Դիանա Հակոբյանը, որը Մոսկվայի Գնեսինների անվան ռուսական երաժշտական ակադեմիայի ուսանողուհի է:

Մրցույթի եզրափակիչ փուլը տեղի կունենա այսօր՝ նոյեմբերի 27-ին: Հաղթող գեղեցկուհին պարգևներ կստանա մրցույթի հովանավորներից, ինչպես նաև իրավունք կստանա ներկայացնելու Մոսկվան «Ռուսաստանի գեղեցկություն» մրցույթում: