Կան սրբություններ, որոնք չի կարելի ոտնահարել. Ջիգարխանյանի օրինական ժառանգը խոսել է հոր ու երիտասարդ կնոջ ամուսնական սկանդալի մասին (տեսանյութ)

Ռուսական НТВ հեռուստաալիքով հեռարձակվող «Новые русские сенсации» հաղորդաշարի հեղինականերին հաջողվել է կապ հաստատել ԽՍՀՄ ժողովրդական արտիստ Արմեն Ջիգարխանյանի օրինական ժառանգի՝ Ստեփան անունով որդու հետ: Հայտնի է, որ տղամարդը մեկնաբանել է 82-ամյա հոր ու նրա երիտասարդ կնոջ ընտանիքում ծագած սկանդալը:

Աղբյուրը մանրամասնում է, որ Ստեփանն արդեն 18 տարի հրաժարվում է լրագրողների հետ հանդիպումից, հաճախակի փոխում է ապրելու վայրը: Երկար տարիներ Ստեփանը նեղացած է եղել դերասան հորից, սակայն վերջին դեպքերը նրան ստիպել են ընդհատել լռությունը:

«Աղջիկը (Ջիգարխանյանի կինը՝ Վիտալինա Ցիմբալյուկ-Ռոմանովսկայան) մի քիչ շատ է տարվել իր խաղով: Լուռ հրճվիր, որ կարողացար ամեն ինչ այսպես գլուխ բերել: Եթե դու այդքան խելացի ու խորամանկ ես, ամեն ինչի կարողացել էր հասնել, «Մերսեդես»-ով ես շրջում, բնակարան ունես, ի սեր Աստծո ունեցիր, բայց կան սրբություններ, որոնք չի կարելի ոտնահարել»,-ասել է տղամարդը:

Նշվում է, որ Ստեփանի տված սենսացիոն հարցազրույցի ամբողջական տարբերակը ցուցադրվելու է այս կիրակի:

Հիշեցնենք, որ ավելի վաղ հաղորդվել էր, որ ոստիկանությունը խուզարկություն է անցկացրել Ջիգարխանյանի կնոջ՝ Վիտալինա Ցիմբալյուկ-Ռոմանովսկայայի տանը՝ հայտնաբերելով դերասանի՝ ավելի վաղ կորած անձնագիրը, ինչպես նաև նրա բժշկական թղթերը:
Հիշեցնենք, որ Ջիգարխանյանի ու նրա կնոջ շուրջ ընտանեկան սկանդալը ծագել էր հոկտեմբերի կեսին: Հայտնի է, որ դերասանը հոսպիտալացվել էր Ցիմբալյուկ-Ռոմանովսկայայի հետ խոշոր վեճի ժամանակ ինքնազգացողության վատացման պատճառով: Այնուհետև Ջիգարխանյանը կնոջը «գող», «սրիկա» էր անվանել՝ նրան մեղադրելով իր ունեցվածքը՝ այդ թվում նաև 3 բնակարանը յուրացնելու համար:

Բացի այդ, Ջիգարխանյանը կնոջը հեռացրել է իր իսկ հիմնած դրամատիկական թատրոնի գլխավոր տնօրենի պաշտոնից: Դրանից հետո Ցիմբալյուկ-Ռոմանովսկայան հեռացել է Ռուսաստանից՝ խոստանալով կրքերը հանդարտվելուն պես վերադառնալ:

Այնուհետև Ջիգարխանյանը կնոջից ամուսնալուծվելու հայց է ներկայացրել: Հայտնի է, որ Վիտալինա Ցիմբալյուկ-Ռոմանովսկայան տվել է իր համաձայնությունն ամուսնալուծության համար և ամուսնալուծության գործընթացը մեկնարկելու է նոյեմբերի 27-ին:

Ավելի վաղ իրավապահ մարմինները ներկայացնող աղբյուրը պատմել է, որ Ջիգարխանյանի հիմնած ու նրա անունը կրող դրամատիկական թատրոնը 2 տարի ղեկավարելու ընթացքում Ցիմբալյուկ-Ռոմանովսկայան թատրոնից օֆշորներ է տեղափոխել մոտ 80 մլն ռուբլի: