Իրանի ԶՈՒ-ին հրամայված է մոբիլիզացնել ստորաբաժանումները Ռաիսիի ուղղաթիռը որոնելու համար

Իրանի զինված ուժերի գլխավոր շտաբի պետ, գեներալ-մայոր Մոհամմադ Հոսեյն Բաքերին հրամայել է բոլոր զինված ուժերին մոբիլիզացնել ստորաբաժանումները նախագահ Էբրահիմ Ռաիսիին տեղափոխող ուղղաթիռը որոնելու համար, որը, ըստ տեղեկությունների, կործանվել է կիրակի օրը երկրի հյուսիսարևմուտքում գտնվող անտառներում, գրում է Tasnim-ը:

Գեներալ-մայոր Բաքերին հրամայել է բանակին, Իսլամական հեղափոխության պահապանների կորպուսին և Իրանի Իսլամական Հանրապետության իրավապահ մարմիններին օգտագործել իրենց բոլոր հնարավորություններն ու տեխնիկան նախագահական ուղղաթիռը որոնելու և փրկարարական գործողություններ իրականացնելու համար։

Իրանի Կարմիր մահիկի ընկերությունը (IRCS) ուղղաթիռի կործանման վայր է ուղարկել 40 փրկարարական և արագ արձագանքման խմբեր։

Պետական ​​հեռուստատեսությանը տված հեռախոսազրույցում ներքին գործերի նախարար Ահմադ Վահիդին ասել է, որ Ջոլֆայից վերադարձող նախագահական ուղղաթիռը կոշտ վայրէջք է կատարել։

Վթարը տեղի է ունեցել այն ժամանակ, երբ նախագահն ու նրա շքախումբը վերադառնում էին Իրանի հյուսիսարևմտյան Արևելյան Ադրբեջան նահանգի Խոդա Աֆարին շրջանից՝ Ադրբեջանի հետ ընդհանուր սահմանին ամբարտակի բացումից հետո։

Ուղղաթիռում եղել են Իրանի նախագահը, արտաքին գործերի նախարար Հոսեյն Ամիր Աբդոլլահիանը, Թավրիզի ուրբաթօրյա աղոթքի առաջնորդ այաթոլլա Մոհամմադ Ալի Ալ-Հաշիմը և Արևելյան Ադրբեջանի նահանգապետ Մալեք Ռահմատին:

Պատվիրակությունը մեկնել է երեք ուղղաթիռով։ Երկու ուղղաթիռը, որոնցում եղել են նախարարներ և պաշտոնյաներ, բարեհաջող վայրէջք է կատարել մառախուղի պայմաններում։

Այս թեմայով Արաղչի. Իրանը կպատերազմի մինչև Թրամփը հասկանա, որ պատերազմ սկսելը սխալ էր Իրանի Կարմիր մահիկի ընկերությունը հայտնել է երկրում ավելի քան 54 հազար բնակարանի ոչնչացման մասին ԻՀՊԿ. ԱՄՆ-ն ձախողել է, պատերազմն ավարտելու նախաձեռնությունը Իրանի ձեռքում է Իրանը գերծանր հրթիռներ է օգտագործել իսրայելական թիրախների վրա հարձակման ժամանակ Իրանի հավաքականները կարող են որակազրկվել և հեռացվել ՖԻՖԱ-ի բոլոր հետագա մրցաշարերից