Էրդողանի կուսակցական ընկերը մեղադրել է հայկական սփյուռքին
Հայկական լոբբիի նպատակն է կանխել հայ-թուրքական հարաբերությունների կարգավորումը։
Այս մասին Twitter-ի իր էջում գրել է իշխող «Արդարություն եւ զարգացում» կուսակցության ներկայացուցիչ Օմեր Չելիքը։
Նրա խոսքով՝ Դիսնեյի հարթակը ենթարկվել է հայկական լոբբիի ճնշմանը և չեղարկել Աթաթուրքի մասին սերիալի ցուցադրությունը։
«Այս հարթակի նման վերաբերմունքը անհարգալից վերաբերմունք է
Թուրքիայի Հանրապետության և մեր ժողովրդի արժեքների նկատմամբ։ Ինչպես բազմիցս նշել ենք, ԱՄՆ-ում այսպես կոչված «ցեղասպանության» պնդումները քարոզող այս ցանցը օգտագործում է պատմական իրադարձությունները որպես գործիք իր խարդախ քաղաքականության համար։ Այս լոբբիի միակ նպատակն է կանխել հայ-թուրքական հարաբերությունների կարգավորումը, ինչպես բազմիցս նկատվել է»,- գրել է նա։
Հիշեցնենք, որ ավելի վաղ Disney Plus-ը որոշել էր հրաժարվել Աթաթուրք սերիալից, որը պատմում է ժամանակակից Թուրքիայի հիմնադիր հոր՝ Մուստաֆա Քեմալի կյանքի մասին։ «Թուրքիայի 100-ամյակի» մասին շարքը նոյեմբերի 3-ից կվերածվի գեղարվեստական ֆիլմի և կցուցադրվի բացառապես Թուրքիայի կինոթատրոններում։ Ֆիլմը Դիսնեյին արժեցել է 8 միլիոն դոլար։
Մասնավորապես, Ամերիկայի Հայ դատի հանձնախումբը (ANCA) դեմ է արտահայտվել ժամանակակից Թուրքիայի հիմնադիր հոր կյանքի մասին սերիալի ցուցադրությանը` պահանջելով Disney-ից չեղարկել ֆիլմի թողարկումը։
ՀՀ տարածքում Ադրբեջանի ԶՈՒ դիրք չի կառուցվել. ՊՆ մամուլի խոսնակ
Ցիկլոնի ներթափանցմամբ պայմանավորված տեղումներ, բուք կլինեն
Դադարեցրել եմ անդամակցությունս «Քաղաքացիական պայմանագիր» կուսակցությանը․ Վլադիմիր Վարդանյան
Ինչո՞ւ չունենք կանաչ Երևան
Տղամարդն Իրանից Հայասատան է տեղափոխել 22 կգ թմրամիջոցով պարկ
Պարզեցվել է անհատական բնակելի տների կառուցման գործընթացը
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Մեկ հպումով հնարավոր կլինի արգելափակել առցանց եղանակով իրականացվող ֆինանսական գործառնությունները
Իրանի հանգուցյալ գերագույն առաջնորդի կինը ողջ է
Իրանի հավաքականները կարող են որակազրկվել և հեռացվել ՖԻՖԱ-ի բոլոր հետագա մրցաշարերից