Էրդողանն իր հայտարարագրում նշել է 295 հազար դոլար պարտք ունենալու մասին

Թուրքիայի վերընտրված նախագահ Ռեջեփ Թայիփ Էրդողանը 5 մլն 390 հազար թուրքական լիրայի (259 հազար դոլար) պարտք ունի։ Այս մասին վկայում է Resmi Gasete (.pdf) կառավարական տեղեկագրում հրապարակված հայտարարագիրը։ Հայտարարագրի տվյալներով՝ ներկա պահին Թուրքիայի նախագահի հաշիվներում ավելի քան 1,8 մլն լիրա (ավելի քան 86 հազար դոլար) կա, տեղեկացրել է «Коммерсантъ»։

5 մլն լիրայի վարկատու է նշվել ոմն Մուսթաֆա Էրդողան։ Փաստաթղթում չի նշվել, թե ում մասին է խոսքը։ Թուրքական Diken պարբերականը տեղեկացրել է, որ Մուսթաֆա Էրդողանը նախագահի եղբայրն է։

Ռեջեփ Թայիփ Էրդողանի ընտանիքը, ըստ հայտարարագրի, ունի տուն Սկյուտար թաղամասում, Ստամբուլի ասիական հատվածում՝ 7 մլն 695 հազար թուրքական լիրա արժողությամբ (382,9 հազար դոլար) եւ 2 հազար քառակուսի մետր հողամաս Դումանքայա գյուղում, Ռիզե սեւծովյան նահանգում։ Արժեքը՝ 10 հազար լիրա (480 հազար դոլար)։

Հայտարարագրի տվյալների համաձայն՝ Էրդողանն անձնական մեքենաներ չունի։ Նրա հաշիվները թուրքական բանկերում միայն լիրայով են պահվում։