Էրդողանը կորցրել է անպարտելիության աուրան
Թուրքիայի նախագահ Ռեջեփ Էրդողանը կարող է խնդիրներ ունենալ մայիսին կայանալիք ընտրություններում, գրում է Politico-ն։ Ավելի քան 20 տարվա ընթացքում առաջին անգամ Թուրքիայի նախագահը կորցրել է անպարտելիության աուրան, նշում է թերթը։
«Գրեթե մեկ դարի ընթացքում տեղի ունեցած ուժգին երկրաշարժից, ինչպես նաեւ տնտեսության կառավարման ոլորտում երկար տարիների սխալ կառավարումից հետո խորհրդարանում եւ կուսակցական շտաբերում փոփոխությունների տենդագին սպասում է տիրում»,-ասվում է հոդվածում։
Թերթը նշում է, որ երկար տարիներ իշխող նախագահական «Արդարություն եւ զարգացում» կուսակցությունը (ԱԶԿ) «վստահություն էր ճառագում ընտրությունների նախաշեմին, բայց այսօր ամեն ինչ այլ է»։
«Այժմ նույնիսկ Թուրքիայի նախագահի կողմնակիցներն են խոստովանում, որ ավելի քան 20 տարի իշխանության ղեկին մնալուց հետո Էրդողանի գրավչությունը թուլանում է։ 50-50 է։ Մարդիկ զգում են, որ փոփոխություններ են սպասվում»,-ասել է Էրդողանի վարչակազմում Politico-ի աղբյուրը։
Թերթի հաղորդմամբ՝ Էրդողանի պարտությունը «թեթեւացում կլիներ Արեւմուտքում շատերի համար, ովքեր ավելի ու ավելի են հիասթափվում իսլամիստական պոպուլիստի առճակատման պետական իմաստությունից»։
«Միայն վերջին ամիսներին Թուրքիան Ռուսաստանին գաղտնի առեւտրային ուղիներ է տրամադրել պատժամիջոցները շրջանցելու համար, վետո է դրել ՆԱՏՕ-ին Շվեդիայի անդամակցության վրա եւ Հունաստանին ներքաշել Էգեյան ծովում կործանիչների կիրառմամբ պատերազմի եզրին ռիսկային հավասարակշռման մեջ»,-եզրափակում է թերթը։
Մարտի 21-ին Էրդողանը պաշտոնապես առաջադրվել է հանրապետության նախագահի թեկնածու: Թուրքիայում ընտրությունները տեղի կունենան մայիսի 14-ին:
Մարտի 22-ին Թուրքիայի ընդդիմադիր «Ժողովրդական դաշինքի» միասնական թեկնածու Քեմալ Քըլըչդարօղլուն պաշտոնապես առաջադրվել է Թուրքիայում կայանալիք նախագահական ընտրություններում:
Թուրքիայում նախագահական եւ խորհրդարանական ընտրությունների նախաշեմին Էրդողանը եւ նրա իշխող «Արդարություն եւ զարգացում» կուսակցությունը հարցումների առաջատարն են, գրում է Daily Sabah-ը: Թուրքիայի առաջնորդը ստանում է իր հիմնական ընդդիմախոս, վեցկուսակցական դաշինքի թեկնածու Քեմալ Քըլըչդարօղլուի դեմ հարցվածների ձայների ավելի քան 52 տոկոսը։
ՀՀ տարածքում Ադրբեջանի ԶՈՒ դիրք չի կառուցվել. ՊՆ մամուլի խոսնակ
Ցիկլոնի ներթափանցմամբ պայմանավորված տեղումներ, բուք կլինեն
Դադարեցրել եմ անդամակցությունս «Քաղաքացիական պայմանագիր» կուսակցությանը․ Վլադիմիր Վարդանյան
Ինչո՞ւ չունենք կանաչ Երևան
Տղամարդն Իրանից Հայասատան է տեղափոխել 22 կգ թմրամիջոցով պարկ
Պարզեցվել է անհատական բնակելի տների կառուցման գործընթացը
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Մեկ հպումով հնարավոր կլինի արգելափակել առցանց եղանակով իրականացվող ֆինանսական գործառնությունները
Իրանի հանգուցյալ գերագույն առաջնորդի կինը ողջ է
Սահարայի ավազները սպիտակել են