Հրապարակվել են Սոչիի սարերում խրված օդապարիկից մարդկանց փրկելու կադրերը (տեսանյութ)

«Իզվեստիա»-ի ներկայացրել է Սոչիի լեռներում խրված օդապարիկից մարդկանց փրկելու կադրերը։

«Shantnews»-ի փոխանցմամբ՝ միջադեպը տեղի է ունեցել շաբաթ օրը՝ հունվարի 21-ին, Լազարևսկի շրջանի Սոլոխաուլ գյուղում։ Երեք մեծահասակների և երկու երեխաների հետ օդապարիկը 2 հազար մետր բարձրության վրա գտնվող Սեմիգլավայա լեռան վրա խրվել է ծառի վրա:Հայտնի է, որ օդապարիկը Սոլոխաուլ գյուղից թռել է դեպի Գոլովինկա, բայց ճանապարհին բռնվել է ծառերի վրա և կախվել։

Կադրերում երևում է, թե ինչպես են փրկարարները Կա-32 ուղղաթիռով հասել լեռ, որից հետո սկսել են որոնել։ Նախ գտել են երեխաներին և առաջին բուժօգնություն ցուցաբերել՝ տաք հագուստ են տվել, որ տաքանան։ Քիչ անց հայտնաբերվել են մնացած ուղևորները։

Դրանից հետո բոլոր փրկվածները բարձվել են օդանավի վրա և տարհանվել։ ՌԴ ԱԻՆ-ից հայտնում են, որ Մոսկվայի ժամանակով ժամը 16:25-ին Հարավային տարածաշրջանային որոնողափրկարարական ջոկատի հենակետում վայրէջք է կատարել Ка-32 ուղղաթիռը։ Վարչությունից հայտնել են, որ բոլոր տարհանվածների վիճակը բավարար է, տուժածներ և ավերածություններ չկան։