Ադրբեջանի տարածքում երկու ստորգետնյա ցնցում է գրանցվել

Ադրբեջանի երկու շրջաններում դեկտեմբերի 16-ին երկրաշարժեր են տեղի ունեցել։

Ադրբեջանական ԶԼՄ-ները՝ վկայակոչելով սեյսմոլոգիական ծառայության հանրապետական կենտրոնը, հայտնում են, որ 3,9 մագնիտուդով ստորգետնյա ցնցումները գրանցվել են ժամը 23:04-ին Սաաթլինի սեյսմակայանից 22 կմ դեպի հարավ-արեւելք։ Էպիկենտրոնին մոտ գտնվող բնակելի թաղամասերում երկրաշարժը զգացվել է մինչեւ 3 բալ ուժգնությամբ: Փորձագետները հայտնում են, որ երկրաշարժի էպիկենտրոնը գտնվել է 37 կմ խորության վրա:

3,2 մագնիտուդով երկրորդ երկրաշարժը տեղի է ունեցել 23:09-ին Շեմախի տարածքում: Ստորգետնյա ցնցումների էպիկենտրոնը գտնվել է Գոբուստանի սեյսմակայանից 24 կմ դեպի արեւմուտք: Երկրաշարժի օջախը գտնվել է 24 կմ խորության վրա։