Իրանի ՆԳՆ-ն չի հաստատել բարքերի ոստիկանության լուծարումը
Իրանում ցուցարարները կոչ են արել երկուշաբթի օրվանից եռօրյա գործադուլ սկսել: Նրանք ցանկանում են ուժեղացնել ճնշումն իշխանությունների վրա այն բանից հետո, երբ Իրանի գլխավոր դատախազ Ջաֆար Մոնթազերին հայտարարեց, որ բարքերի ոստիկանությունը լուծարվել է:
Ջաֆար Մոնթազերին միևնույն ժամանակ նշել էր, որ բարքերի ոստիկանությունը շարունակում է հետևել մարդկանց վարքին:
Իրանի Ներքին գործերի նախարարությունը, որի կազմի մեջ է մտնում բարքերի ոստիկանությունը, չի հաստատել այս տեղեկատվությունը, իսկ Իրանի պետական ԶԼՄ-ները հայտնել են, որ երկրի դատական իշխանության պատասխանատվությունների մեջ չի մտնում տվյալ կառույցի վերահսկողությունը:
Իրանում 11 շաբաթ է՝ բողոքի ակցիաներ են տեղի ունենում, որոնք ուղեկցվում են բախումներով և անկարգություններով: Ցույցերը սկսվել են 22-ամյա քուրդ աղջկա՝ Մահսա Ամինիի հուղարկավորությունից հետո. նա ձերբակալվել էր բարքերի ոստիկանության կողմից գլխաշորը սխալ կրելու համար և նրանց հսկողության տակ գտնվելու ընթացքում մահացել էր: Բողոքի ակցիաների ընթացքում հարյուրավոր մարդիկ են մահացել, այդ թվում՝ իրավապահներ:
Իրանի իշխանությունները երկրում տեղի ունեցող խռովությունները հրահրելու մեջ բազմիցս մեղադրել են արևմտյան երկրներին՝ նշելով, որ նրանք ցույցերն օգտագործում են Իրանի ներքին գործերին միջամտելու համար:
Ցիկլոնի ներթափանցմամբ պայմանավորված տեղումներ, բուք կլինեն
Դադարեցրել եմ անդամակցությունս «Քաղաքացիական պայմանագիր» կուսակցությանը․ Վլադիմիր Վարդանյան
Ինչո՞ւ չունենք կանաչ Երևան
Տղամարդն Իրանից Հայասատան է տեղափոխել 22 կգ թմրամիջոցով պարկ
Պարզեցվել է անհատական բնակելի տների կառուցման գործընթացը
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Իրանի հանգուցյալ գերագույն առաջնորդի կինը ողջ է
Գյումրու գլխավոր ճարտարապետը մեղադրյալի աթոռին է՝ կաշառք ստանալու, պաշտոնեական կեղծիքի համար
ՆԳՆ ոստիկանությունը հորդորում է զգոն լինել․ շարունակում են շրջանառվել կեղծ օգտահաշիվներ
Սահարայի ավազները սպիտակել են