Ոչ մի ոլորտում չի զգացվել, որ Հայաստանը պատրաստվում է պատերազմի․ Մենուա Սողոմոնյան

«Ադրբեջանի նպատակն է ռազմակալել բոլոր այն շրջանները, որոնք կկապեն Ադրբեջանի արևմտյան շրջանները Նախիջևանի հետ»,- այս մասին ԱԺ-ի դիմաց, զոհված զինծառայողների ծնողների բողոքի ակցիայի ժամանակ ասաց «Համախմբում» նախաձեռնության անդամ, քաղաքագետ Մենուա Սողոմոնյանը:

Նրա խոսքով ռազմական գործողությունների դադարեցումը առաջին հերթին ՀՀ հնարավորություններից է կախված:

«Ամբողջ հարցն այն է, որ 2020-ի նոյեմբերի 9-ից հետո չենք տեսել նպատակադրված գործողություն մեր ռեսուրսներ ներդնելով ՀՀ պաշտպանունակության բարցրացման վրա: Մենք դա չենք տեսել ոչ բյուջեում, ոչ ռազմական սպառազինությունների գնման պլանի հետ կապված, չենք տեսել հանրային աշխատանքներում: Ոչ մի ոլորտում չի զգացվել, որ Հայաստանը պատրաստվում է պատերազմի: Սողոմոնյանը նկատեց, որ դատելով Նիկոլ Փաշինյանի երեկվա ելույթից, Հայաստանը ոչ թե պատրաստվում է հակադարձելու, արդյունավետ հակահարված տալու, պարզապես իմիտացիոն գործողություններ են իրականացվում, որոնց արդյունք չլինելու հետեւանքով, կասեն՝ դե քանի որ արդյունք չտվեց, պետք է զիջենք փրկվելու համար. «Այս տրամաբանությունն ու միտումն ենք տեսնում»,-ասաց նա:

Մանրամասն՝ տեսանյութում։