«Փաշինյանի թիմակիցները ձայնի համար խոստացել էին՝ չուլկու, ներքին շորերի գործարան կբացենք․ ոչ մի գործարան էլ չկա․․․»․ զրույց Սոթքի բնակչի հետ

168.am-ի նկարահանող խումբը պարբերաբար շրջում է Հայաստանի տարբեր մարզերով, լինում տարբեր համայնքներում, լսում գյուղացիների մտահոգությունները տարբեր խնդիրների շուրջ։

Օրերս մեր նկարահանող խումբն մեկնել էր Գեղարքունիքի մարզի Սոթք գյուղ, որը 2020 թվականի պատերազմից հետո դարձել է սահմանամերձ, իսկ 2021 թվականի մայիսի 12-ից թշնամու զինյալները դիրքավորվել են գյուղի վերևի սարերում և պարբերաբար կրակոցներ են արձակում թե՛ հայկական դիրքերի, թե՛ խաղաղ բնակչության վրա։

Սոթքի 68-ամյա բնակիչ Զենֆիրա Հակոբյանը 168․am-ի հետ զրույցում ասաց, որ վերջին շրջանում համեմատաբար իրավիճակը հանգիստ է, գյուղացիներն իրենց առօրյա գործերով են զբաղվում․

«Սոթքում զբաղվում են անասնապահությամբ, հողագործությամբ՝ կարտոշկա են ցանում, գարի են ցանում, ցորեն են ցանում։ Ով կարողանում է՝ նա էլ ցանում է, ով ուժ չունի՝ չի կարողանում ցանի, անասնապահությամբ հաստատ զբաղվում են․․․»։