Լոնդոնում մեկնարկել են Մերի Փոփինսի մասին ֆիլմի նկարահանումները

Լոնդոնում մեկնարկել են «Մերի Փոփինսը վերադառնում է» ֆիլմի նկարահանումները: Այս մասին հաղորդում է Variety-ն` հղում անելով Walt Disney Studio-ին: Ֆիլմի գլխավոր դերը խաղացել է Էմիլի Բլանտը:

Կայքը գրում է, որ ռեժիսոր Ռոբ Մարշալի ֆիլմում նկարահանվել են նաև Լին Մանուել Միրանդան, Բեն Ուիշոուն, Էմիլի Մորտիմերը, Մերիլ Սթրիփը և Քոլին Ֆերտը:

Աղբյուրը մանրամասնում է, որ ֆիլմի իրադարձությունները տեղի են ունենում 1930-ական թվականների Լոնդոնում: Սյուժեի համաձայն` Մերի Փոփինսի մասին առաջին ֆիլմի հերոսներ Մայքլ և Ջեյն Բենքսը մեծացել են: Դայակ-կախարդուհին վերադառնում է նրանց կյանք, որպեսզի հետ բերի ընտանիքի ուրախությունը:

Նշվում է, որ ֆիլմով զբաղվում է Shepperton Studios ստուդիան:

tert.am