Թուրքական կայքին անհանգստացրել է Իրանի ուժայիններին հարող տելեգրամյան ալիքի գրառումը
Թուրքական ծայրահեղ ազգայնական ուղղվածության «Türkiye gazetesi» լրատվական կայքն անդրադարձել է Իրանի «Իսլամական հեղափոխության պահապանների կորպուսին» (ԻՀՊԿ) հարող տելեգրամյան մի ալիքի գրառմանը: Այս մասին տեղեկացնում է ermenihaber.am-ը։
«Հայաստանի վրա ցանկացած ռազմական հարձակում կարժանանա Իրանի զինված ուժերի արձագանքին։ Իրանի Իսլամական Հանրապետությունը բազմիցս հայտարարել է, որ չի հանդուրժի հարևան պետությունների սահմանների փոփոխումը»,- գրել է իրանական տելեգրամյան ալիքը։
Թուրքական կայքի՝ հակաիրանական և հակահայկական ձևակերպումներ և պիտակավորումներ պարունակող հրապարակման մեջ վերոհիշյալ գրառումը վերագրվել է հենց ԻՀՊԿ-ին:
Ուշագրավ է, որ թուրքական կայքն իրանական կողմի «ակտիվությունը» կապել է վերջին օրերին Արցախում իրադրության լարման հետ: Ընդ որում՝ Արցախում առկա իրադրությունը ներկայացվում է որպես հայկական կողմի «սադրանքների» հետևանք, որին իբր թե Ադրբեջանի բանակը կանխարգելիչ հարվածներ է հասցրել:
Այս իրադարձությունների լույսի ներքո անդրադառնալով իրանական տելեգրամյան ալիքի վերոհիշյալ գրառմանը՝ թուրքական կայքը նշել է, որ Իրանը կրկին ակտիվանում է՝ աջակցելով Հայաստանին, ինչպես դա արել է 44-օրյա պատերազմի ընթացքում:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Մակրոնը և Սթարմերը Ուկրաինայի հարցով հանդիպում են հրավիրել
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԵՔՀ 8-րդ գագաթնաժողովի բացման արարողությունը Երևանում. ուղիղ
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Հայաստան է ժամանել ՆԱՏՕ-ի գլխավոր քարտուղար Մարկ Ռյուտեն
Բելգիայի դեսպանության բացման պաշտոնական արարողություն՝ Երևանում