Շալվա Պապուաշվիլին ընտրվել է Վրաստանի խորհրդարանի նախագահ

Այսօր Վրաստանի խորհրդարանի նախագահ է ընտրվել իրավաբան, իշխող «Վրացական երազանք» կուսակցության պատգամավոր 45-ամյա Շալվա Պապուաշվիլին։

Կախա Կուչավան դեկտեմբերի 24-ին անսպասելիորեն հրաժարական է տվել։ Նա հայտարարել է, որ կմնա «Վրացական երազանք» կուսակցությունում եւ կաշխատի նոր նախագծի վրա, որի մասին կհայտարարի հաջորդ տարի, հայտնում է «Նովոստի Գրուզիան»։

Ընդդիմությունը ենթադրում է, որ Կուչավան չի ցանկացել մասնակցել իշխող կուսակցության կողմից վերջերս նախաձեռնած գործընթացներին, որոնք քննադատության են արժանացել Վրաստանի արեւմտյան գործընկերների կողմից։

Քվեարկելու համար գրանցվել էր 104 պատգամավոր, խորհրդարանի նախագահ ընտրելու համար անհրաժեշտ էր 76 ձայն, Պապուաշվիլիի օգտին քվեարկել է 88-ը։