Իշխանությունները դրական ազդեցություն են տեսնում Ադրբեջանի կողմից Հայաստանի ճանապարհներին մաքսակետերի տեղակայումից
Նոյեմբերի 9-ից հետո ստեղծվեց մի իրավիճակ, երբ հայկական զինված ուժերը նահանջեցին Խորհրդային Հայաստանի սահմանների մոտ։ Այդ իսկ պատճառով մենք կարող ենք միջազգային հանրությանը հայտնել, որ ադրբեջանցիները ներխուժել են Հայաստանի ինքնիշխան տարածք։ Այս մասին դեկտեմբերի 8-ին լրագրողների հետ զրույցում ասաց իշխող «Քաղաքացիական պայմանագիր» կուսակցությունից ՀՀ ԱԺ փոխխոսնակ Ռուբեն Ռուբինյանը։
«Մենք պետք է ֆիքսենք, թե կոնկրետ ինչն ենք համարում Հայաստանի սահմանը։ Խորհրդային ոչ մի քարտեզի համաձայն՝ Գորիս-Կապան ճանապարհի այն հատվածները, որոնք անցել են Ադրբեջանի վերահսկողության տակ, Հայաստանի տարածքում չեն»,- հավելեց նա։ Ռուբինյանը նշեց, որ Ադրբեջանը մաքսակետեր սահմանեց այն բանից հետո, երբ Հայաստան ժամանեց ՌԴ փոխվարչապետ Օվերչուկը եւ հրապարակավ հայտարարեց, որ ճանապարհների ինքնիշխանությունը մնում է այն երկրներին, որոնց տարածքով անցնելու են այդ ճանապարհները։
«Մինչ այդ Ադրբեջանը փորձում էր տպավորություն ստեղծել, որ Գորիս-Կապան ճանապարհը ներկայացնում է միջանցքային տրամաբանության շրջանակներում, իսկ դրա դիմաց ցանկանում է ստանալ ճանապարհ, որը կտրամադրվի մեր կողմից՝ նույն միջանցքային տրամաբանության շրջանակներում։ Այս մաքսակետի տեղակայմամբ ամրագրվեց, որ մենք միջանցքային տրամաբանությամբ չենք շարժվել, բայց Ադրբեջանը մտել է մի դիսկուրս, որտեղ միջանցքային տրամաբանություն չկա։ Այդ ամենի արդյունքում Հայաստանի բնակավայրերը չմեկուսացվեցին։ Հայ-ադրբեջանական սահմանը կա, եւ այս տեսակետն ամենաշահեկանն է Հայաստանի համար։ Հակառակ տրամաբանությունը ձեռնտու է այն կողմին, որն ավելի ագրեսիվ է եւ էքսպանսիոնիստական նպատակներ է հետապնդում»,- ընդգծեց փոխխոսնակը։ Նա դրական գնահատեց ԵԱՀԿ Մինսկի խմբի համանախագահների վերջին հայտարարության մեջ «պահվող անձինք» տերմինի օգտագործումը, քանի որ, իր գնահատմամբ, դա Ադրբեջանին հնարավորություն չի տալիս յուրովի մեկնաբանել բոլոր պահվող անձանց վերադարձի անհրաժեշտության հարցը:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
ԵՔՀ 8-րդ գագաթնաժողովի բացման արարողությունը Երևանում. ուղիղ
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
Էլեկտրաէներգիայի ընդհատումներ կլինեն Երևանում և մարզերում