Իրանի ԱԳՆ ղեկավարը եւ Ադրբեջանի փոխվարչապետը քննարկել են իրավիճակը կովկասյան տարածաշրջանում
Իրանի արտգործնախարար Հոսեյն Ամիր Աբդոլլահիյանը եւ Ադրբեջանի փոխվարչապետ Շահին Մուստաֆաեւը քննարկել են երկկողմ հարաբերությունները եւ իրավիճակը կովկասյան տարածաշրջանում, հայտնում է Mehr-ը։
Հանդիպման ընթացքում Ամիր-Աբդոլլահիյանը գոհունակություն է հայտնել երկու երկրների միջեւ առեւտրային հարաբերությունների աճից՝ «ադրբեջանական հողերի ազատագրումը երկու երկրների տնտեսական հարաբերությունների նոր գլխի սկիզբ բնութագրելով»։ Իրանի արտգործնախարարն ընդգծել է առեւտրի, տրանսպորտի, էներգետիկայի եւ զբոսաշրջության տարբեր ոլորտներում երկու երկրների տնտեսական հնարավորություններն օգտագործելու անհրաժեշտությունը։
Անդրադառնալով ինժեներական եւ տեխնոլոգիական ոլորտներում Իրանի հնարավորություններին՝ նա նաեւ հայտարարել է իրանական ընկերությունների՝ վերջերս «ազատագրված» տարածքների վերականգնմանը մասնակցելու պատրաստակամության մասին։ Նա նաեւ ընդգծել է ճանապարհորդությունների սահմանափակումների մեղմացման եւ երկու երկրների միջեւ թռիչքների վերականգնման անհրաժեշտությունը։
Ամիր-Աբդոլլահիյանը մատնանշել է Իրանի Իսլամական Հանրապետության անփոփոխ դիրքորոշումը՝ ի պաշտպանություն երկրների տարածքային ամբողջականության եւ ընդգծել տարածաշրջանում միջազգային սահմանների անփոփոխությունը։
Իր հերթին, Ադրբեջանի փոխվարչապետը գոհունակություն է հայտնել Թեհրան կատարած այցի ընթացքում Իրանի նավթի եւ տրանսպորտի նախարարների հետ կառուցողական հանդիպումներից եւ հայտարարել, որ երկու երկրները մոտ են նավթի, գազի եւ տրանսպորտային ոլորտներում պատմական պայմանավորվածություններին։
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
ԵՔՀ 8-րդ գագաթնաժողովի բացման արարողությունը Երևանում. ուղիղ
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
Էլեկտրաէներգիայի ընդհատումներ կլինեն Երևանում և մարզերում