Թուրքիան Ռուսաստանին առաջարկել է անդամակցել ՆԱՏՕ-ին
Աշխարհի նոր պայմանները ՆԱՏՕ-ի թարմացում են պահանջում, դրա համար Ռուսաստանը նախեւառաջ պետք է դաշինքի մաս դառնա։ Նման կարծիք է հայտնել լրագրող Մեհմեդ Բարլասը թուրքական Sabah թերթի համար հրապարակված հոդվածում։
Նրա խոսքով՝ այժմ Եվրոպան, այն է` ՆԱՏՕ-ի անդամները, գոյություն ունի Ռուսաստանի էներգետիկ ռեսուրսների շնորհիվ: Բացի այդ, ահաբեկչության դեմ պայքարում ռուսական պետությունն ավելի ակտիվ է, քան դաշինքի երկրները։
«Հուսով եմ, որ ի վերջո իմ ցանկությունները կիրականանան, եւ կհայտնվի ՆԱՏՕ, որի անդամ է նաեւ Ռուսաստանը»,- ասել է Բարլասը։
Նա կարծիք է հայտնել, որ ներկայումս ՆԱՏՕ-ին ամենից շատ վնաս են հասցնում ներքին բախումները, այլ ոչ թե՝ դաշինքից դուրս գտնվող երկիրը։ Այդպես, նա հիշեցրել է Թուրքիայի եւ Հունաստանի միջեւ հակամարտությունը Հյուսիսային Կիպրոսի նկատմամբ տարածքային պահանջների, ինչպես նաեւ Վաշինգտոնի եւ Անկարայի հարաբերություններում լարվածության հետ կապված։
«Ավելի հետաքրքիրն այն է, որ ՆԱՏՕ-ի անդամ Թուրքիան խորը հաշտեցման եւ երկխոսության մեջ է Ռուսաստանի հետ, որին ՆԱՏՕ-ն թշնամի է համարում»,- գրել է Բարլասը:
Հոկտեմբերի 23-ին Ռուսաստանի պաշտպանության նախարար Սերգեյ Շոյգուն հայտարարել էր, որ ՆԱՏՕ-ն աստիճանաբար ուժեր է տեղակայում դեպի ռուսական սահմանները՝ Ռուսաստանի ռազմական զսպ կոչերի ֆոնին: Նրա խոսքով՝ Եվրոպայում անվտանգությունը կարող է միայն ընդհանուր լինել՝ չոտնահարելով Ռուսաստանի շահերը, սակայն Հյուսիսատլանտյան դաշինքը դեռ պատրաստ չէ այս հարցում հավասար երկխոսության։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Արսեն Զախարյանի տրանսֆերային արժեքն աճել է
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Փեզեշքիանը և Մակրոնը քննարկել են Մերձավոր Արևելքում իրավիճակը
FoodexJapan սննդի և խմիչքների ցուցահանդես. հայկական գինեգործական ընկերությունները միասնական տաղավարո...