Սաակաշվիլիին կարող են նոր մեղադրանք առաջադրել վրացական հողատարածքներ Ադրբեջանին հանձնելու համար
Երեկ` հոկտեմբերի 13-ին Վրաստանի գլխավոր դատախազ Միխեիլ Սանդրաձեն չբացառեց, որ այլ մեղադրանքների շարքում, Սաակաշվիլիին նոր մեղադրանք կարող է առաջադրվի, այսպես կոչված «քարտեզագիրների գործի» շրջանակներում: Բանն այն է, որ այդ գործով Վրաստանում այսօր մեղադրվում են երկու անձ, ովքեր իբրև կեղծ քարտեզագրեր են ներկայացրել վրաց-ադրբեջանական համատեղ հանձնաժողովին, ով զբաղված է վրաց-ադրբեջանական սահմանի սահմանազատմամբ և սահմանագծմամբ: Բանն այն է, որ մինչ այսօր վրաց-ադրբեջանական սահմանը սահմանագծվել և սահմանազատվել է ընդամենը 64 տոկոսով: Այսինքն, այդ մոտ 480 կմ սահմանի միայն 64 տոկոսն է վերջնականապես ճշգրտված: Մնացած 36 տոկոսի ճշգրտման աշխատանքները դեռ շարունակվում են: Եվ ահա այդ աշխատանքի շրջանականերում, երկու երկների միչև վեճ է առաջացել հանրահայտ Դավիթ Գարեջիի համալիրի շուրջ: Ընդ որում վեճն ոչ միայն այդ համալիրի պատկանելիության մեջ է, այլ նաև այդ համալիրի անվան մեջ: Բանն այն է, որ այդ համալիրի մի մասը գտնվում է վրացական կողմում, իսկ մյուս մասը Ադրբեջանի տարածքում է հայտնվել: Վրացական կողմը միշտ առաջարկել է ադրբեջանցիներին տարածքների փոխանակում, որպեսզի այդ վանական համալիրը ամբողջությամբ հայտնվի Վրաստանի կազմում: Վրացիները, ընդ որում դրա դիմաց, պատրաստ են տալ երեք անգամ ավել տարածք Ադրբեջանին: Ադրբեջանցիները, ոչ միայն չեն համաձայնվում այդ փոխանակման հետ, այլև համարում են այդ վանական համալիրը, ոչ թե վրացական, այլ` ալբանական: Ինչպես ասում են, հայտնի ձեռագիր է: Եվ ահա, բանից պարզվում է, մի շարք նախկին քարտեզներում, այդ համալիրը ամբողջովին գտնվել են Վրաստանի տարածքում: Իսկ ահա, Սաակաշվիլիի կառավարման ընթացքում, վրաց երկու քարտեզագիրները, թաքցրել են այդ փաստը և ներկայացրել են այլ քարտեզներ, որտեղ այդ համալիրի մի մասը հայտնվել է Ադրբեջանի տարածքում: Այս խնդրի շուրջ, Վրաստանում, այսօր քրեական գործ է ընթանում, որտեղ երկու վրացի քարտեզագիրներին քրեական մեղադրանք է առաջադրված: Եվ ահա երեկ, Վրաստանի գլխավոր դատախազը չբացառեց որ այդ գործի շրջանակներում կարող է հարցաքննվել նաև Միխեիլ Սաակաշվիլին:
Հիշեցնենք, որ մի նմանատիպ գործի շուրջ նույնպես կա մեծ աղմուկ Վրաստանում: Բանն այն է, որ իր կառավարման վերջին տարում Սաակաշվիլին ավելի քան 37 հազար Թուրքիայի քաղաքացու շնորհեց նաև վրացական քաղաքացիություն, այն հիմնավորմամբ, որ նրանք իբրև, ծագումով մահմեդական վրացիներ էին: Իհարկե այս հարցում քրեական գործ չկա, բայց բարոյական առումով վրացիների մեծ մասը դատապարտեցին Սաակաշվիլիի այս արարքը:
Թե ինչով կավարտվի այս վերջին հնարավոր մեղադրանքը դժվար է ասել: Պարզ է մեկ բան, որ Վրաստանի այսօրվա իշխանությունների համար Սաակաշվիլիի գործը շարքային բնույթ չունի: Քանզի, եթե նրանք այս հարցում տապալվեն, ապա կարող է կորցնեն նաև իշխանությունը:
Սա է իրականությունը:
Սահակաշվիլին պատմել է, թե ինչպես է Թրամփը հարցրել իր կարծիքը նախագահի պաշտոնում առաջադրվելու մասին
Սաակաշվիլին Հայաստանի և Ադրբեջանի ղեկավարներին կոչ է անում դիտարկել Ուկրաինայի և Մոլդովայի օրինակը
Սաակաշվիլին հայտարարել է, որ ցանկանում է մահվանից հետո թաղվել Ուկրաինայում
Սաակաշվիլին հրաժարվել է արյուն հանձնել քննության համար. Վրաստան
Սաակաշվիլին այլեւս չի զբաղվի քաղաքականությամբ
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Արսեն Զախարյանի տրանսֆերային արժեքն աճել է
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Փեզեշքիանը և Մակրոնը քննարկել են Մերձավոր Արևելքում իրավիճակը