Իրանի ԱԳՆ. Թույլ չենք տա օտարերկրյա պետություններին ազդել հարեւանների, այդ թվում ՀՀ-ի հետ մեր հարաբերությունների վրա
Մենք թույլ չենք տա օտարերկրյա պետություններ ազդեն Իրանի` հարեւանների, այդ թվում Հայաստանի հետ հարաբերությունների վրա: Այս մասին Թեհրանում կայացած հանդիպումից հետո իր հայ գործընկեր Արարատ Միրզոյանի հետ համատեղ ասուլիսին հայտարարեց Իրանի արտգործնախարար Հոսեյն Ամիր-Աբդոլլահիանը, փոխանցում է Mehr- ը:
«Այսօր մենք պայմանավորվեցինք զարգացնել համագործակցությունը տնտեսության, առեւտրի եւ զբոսաշրջության բոլոր ոլորտներում: Առեւտուրը եւ հայկական տարանցիկ ուղու շահագործումը երկու երկրների համար երկկողմ հետաքրքրություն ներկայացնող խնդիրներից են»,- ասել է Իրանի ԱԳ նախարարը:
«Մենք սահմանել ենք գործընթաց, որն օպերատիվ կերպով կգործարվի երկու երկրների տարանցիկ ճանապարհների ու երթուղիների աշխուժացման համար: Առաջիկա շաբաթների ընթացքում մենք ավելի շատ աշխուժացում կտեսնենք երկու երկրների հարաբերություններում»,- ասաց նա: «Մեր տարածաշրջանը եւ մեր հյուսիսային հարեւանները գտնվում են ծանր վիճակում, հատկապես` տարածաշրջանի որոշ հատվածներում սիոնիստների եւ ահաբեկիչների ներկայության պատճառով», - ավելացրեց նա:
«Մենք թույլ չենք տա որոշ օտարերկրյա պետություններին ազդել հարեւանների, այդ թվում` Հայաստանի հետ Իրանի հարաբերությունների վրա: Մեր տարածաշրջանը չափազանց մեծ նոր պահանջներ ոչ մի կերպ չի հանդուրժի: Տարածաշրջանի խնդիրները պետք է լուծեն տարածաշրջանի ժողովուրդները` առանց որեւէ արտաքին միջամտության»,- ընդգծեց Հոսեյն Ամիր-Աբդոլլահիանը:
Իր հերթին, Հայաստանի արտգործնախարարը բարձր է գնահատել Իրանի մոտեցումը Հայաստանի տարածքային ամբողջականության հարցում: Մեր բարեկամությունը դարերի պատմություն ունի: Մենք քննարկեցինք եւ կարծիքներ փոխանակեցինք տարածաշրջանի բոլոր իրադարձությունների վերաբերյալ»:
«Ես արտաքին գործերի նախարար Ամիր-Աբդոլլահիանին տեղեկացրեցի Ղարաբաղի հետ կապված իրադարձությունների մասին: Ղարաբաղյան պատերազմին մասնակցել են նաեւ այլ երկրների վարձկաններ: Չնայած նրան, որ Ադրբեջանի Հանրապետությունը պարտավոր էր ազատ արձակել գերեվարված քաղաքացիներին եւ պահվող անձանց, չարեց դա եւ պետք է անի հնարավորինս շուտ: Մենք պետք է բանակցություններ եւ քննարկումներ անցկացնենք Ադրբեջանի, Իրանի եւ Ռուսաստանի մասնակցությամբ, եւ շեշտը դրել ենք տարածաշրջանում հաղորդակցության ուղիների վերականգնման վրա: Հայաստանը հայտարարում է հաղորդակցության ուղիները վերաբացելու իր պատրաստակամության մասին»,- ասել է ՀՀ արտգործնախարարը:
«Ադրբեջանի ագրեսիան Հայաստանի սահմաններին եւ պաշտոնական տարածքներում վտանգում է տարածաշրջանում խաղաղության եւ կայունության ապահովմանն ուղղված մեր ջանքերը: Մենք գնահատում ենք Իրանի մոտեցումը Հայաստանի տարածքային ամբողջականության նկատմամբ»,- նշել է Միրզոյանը:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
ԵՔՀ 8-րդ գագաթնաժողովի բացման արարողությունը Երևանում. ուղիղ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ