Արդյո՞ք իրանական բեռնատարներն են Ադրբեջանի խորամանկության թիրախը Գորիս-Կապան ճանապարհին
Օգոստոսի 26-ի գիշերն ադրբեջանական կողմը դիմեց հերթական լկտի սադրանքին եւ Գորիս-Կապան հատվածում փակեց Հայաստան-Իրան միջպետական ճանապարհի մի քանի հատված: Թե ինչպես, ինչու եւ ինչի հիման վրա ընդհանրապես ադրբեջանցի զինվորականները հասան այդ ճանապարհին, առանձին հոդվածի թեմա է: NEWS.am-ը բազմիցս անդրադարձել է այս նուրբ թեմային :
Մի քանի օր փակ պահելով Գորիս-Կապան ճանապարհը եւ շրջափակման մեջ պահելով մի քանի հայկական գյուղ՝ ադրբեջանցի զինվորականները «մեծահոգաբար» ապաշրջափակեցին ճանապարհը, սակայն՝ վերապահումով: Էությունը, ըստ լրատվամիջոցների, կայանում է նրանում, որ հայկական տրանսպորտին թույլատրվում է երթեւեկել մինչեւ այլընտրանքային ճանապարհի կառուցումը:
Միեւնույն ժամանակ, փոխվեց արագության ռեժիմը ճանապարհի վրա: Եթե նախկինում Հայաստանի ԱԱԾ-ն կոչ էր անում շրջանցել վտանգավոր հատվածներն առավելագույն արագությամբ եւ կանգ չառնել, ապա այժմ, կրկին գրում են ԶԼՄ-ները, ադրբեջանցի զինվորականները բետոնե բլոկներ են տեղադրել իրենց դիրքերի տարածքում, ավտոմեքենաները ստիպված են դանդաղեցնել ընթացքը, ինչը հնարավորություն է տալիս նույնականացնել տրանսպորտը եւ նույնիսկ ուղեւորներին, ինչպես նաեւ՝ պատկերացում կազմել փոխադրվող բեռի մասին:
Հիշեցնենք, որ խոսքը Հայաստանն Իրանին կամ Իրանը Հայաստանին կապող ճանապարհի մասին է` կախված նրանից՝ կախված նրանից, թե որ տեսանկյունից է հարցը դիտարկվում: Ադրբեջանի լկտի գործողությունների հայտարարագրված նպատակը հստակ է՝ հնարավորինս փչացնել իշխանությունների եւ Հայաստանի բնակչության կյանքը: Այս մտադրությունը մակերեսի վրա է: Բայց այս ցանկությունը չէ, որ ուղղորդում է Բաքվի գործողությունները: Ճանապարհի վրա գոնե ինչ-որ վերահսկողություն սահմանելով ՝ ադրբեջանական կողմի համար հասանելի է դառնում իրանական բեռնատարների տեղաշարժի վերաբերյալ տեղեկատվությունը: Պատահական չէ, որ Ադրբեջանը, ինչպես պատերազմից առաջ, այնպես էլ դրանից հետո, մեղադրանքներ է հնչեցնում Իրանի հասցեին, թե իբր Լեռնային Ղարաբաղի տարածքում իրանական բեռնատարներ են նկատվել: Եւ հիմա էլ ադրբեջանական լրատվամիջոցները շահարկում են այս թեման: Իրականում այս մեղադրանքները բանի պետք չեն: Իսկ ահա Իրանի կողմից փոխադրվող ապրանքների նկատմամբ Ադրբեջանի աճող հետաքրքրությունը տարօրինակ է թվում: Հնարավոր է՝ հետաքրքրությունը թելադրված է Թուրքիայի հետ եղբայրական հարաբերություններով, որը երկրորդ պետությունն է ՆԱՏՕ-ում եւ Միացյալ Նահանգների սերտ գործընկերը:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
Արսեն Զախարյանի տրանսֆերային արժեքն աճել է
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Եվրամիությունը չի հասկանում Իրանում պատերազմի նպատակները. Կալաս
Մարմնամարզության տղամարդկանց հավաքականը տուն է վերադառնում