Տարօրինակ ադրբեջանական թվաբանություն. Զոհվածների եւ վիրավորների 4000 ընտանիքներին` 11 000 տո՞ւն
Ադրբեջանի իշխանություններն ակտիվորեն գովազդում են Լեռնային Ղարաբաղի իրենց իսկ կողմից սանձազերծված հակամարտության ընթացքում զոհվածների եւ վիրավորների ընտանիքների համար հոգածությունը: Հաճախացել են ազգի հոր որդու կողմից բնակարանների եւ տների առատաձեռն նվիրաբերությունների մասին հաղորդագրությունները: Սակայն դրանցում որոշ թվեր տարակուսանք են հարուցում, երբեմն էլ ուղղակիորեն հակասում են նախկինում հայտարարված տվյալներին:
Ըստ ադրբեջանական ԶԼՄ-ների հաղորդագրությունների՝ աշխատանքի նախարարությունը 2018 թվականին 626 միավոր բնակարան է հատկացրել զոհվածների ընտանիքներին եւ հաշմանդամներին, 2019թ․ 50%-ով ավելի՝ 934, 2020-ին եւս 70%-ով ավելի՝ 1572 բնակարան եւ առանձնատուն: Իսկ այս տարի նախատեսվում է կրկնապատկել այս ցուցանիշը` հատկացնել մինչեւ 3000 բնակարան եւ առանձնատուն: 4 տարվա ընթացքում զոհվածների ընտանիքներին եւ հաշմանդամներին բնակարան կամ առանձնատուն տրամադրելու ծրագիրն ընդլայնվել է գրեթե 5 անգամ: Ընդհանուր առմամբ, անցած ժամանակահատվածում երկրում այս կարգի մարդկանց հատկացվել է 10 500 բնակարան եւ առանձանատուն: Այս տարի շահագործման է հանձնվել 1600 բնակարան: Ընդհանուր առմամբ, 2021-2025 թվականներին այս կարգի անձանց կտրվի 11 000 բնակարան եւ առանձնատուն, միջինը` տարեկան ավելի քան 2000:
Ստացվում է, որ նրանք կառուցել-կառուցել են, գրեթե լուծել են խնդիրը, եւ միեւնույն է, պետք է արագացված տեմպերով նոր տներ կառուցեն, որպեսզի 4 տարվա ընթացքում ապահովեն եւս 11 000 ընտանիքի: Հիշեցնենք, որ Ադրբեջանի իշխանությունները թաքցնում էին Անկարայի հրահրմամբ Լեռնային Ղարաբաղի դեմ Բաքվի նախաձեռնած ագրեսիայի ժամանակ իրենց կորուստները: Միայն ամիսներ անց Բաքվում հայտարարեցին մոտ 3000 զոհվածների եւ 1000 վիրավորների մասին: Այս հարաբերակցությունը ինքնին տարօրինակ է: Առավել տարօրինակ է, որ հենց պատերազմից հետո կարիք եղավ լրացուցիչ 11 000 տան: Ըստ ամենայնի, Ադրբեջանի իշխանությունները պարզապես թաքցնում են իրենց կորուստների իրական թվերը:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
Արսեն Զախարյանի տրանսֆերային արժեքն աճել է
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Եվրամիությունը չի հասկանում Իրանում պատերազմի նպատակները. Կալաս
Մարմնամարզության տղամարդկանց հավաքականը տուն է վերադառնում