Արքայազն Հարրին լուսանկարիչներին մեղադրել է մահացող Դիանային լուսանկարելու համար
Արքայազն Հարրին լուսանկարիչներին մեղադրել է, որ նրանք լուսանկարել են իր մահացող մորը՝ արքայադուստր Դիանային, բայց նրան չեն օգնել, հայտնում է BBC-ն:
«Ամենածանր բանը, որի հետ ստիպված էի հաշտվել, այն փաստն էր, որ այն նույն մարդիկ, որոնք նրան հարկադրել էին թունել մտնել, նրան լուսանկարում էին մինչ մահանում էր մեքենայի ետեւի նստատեղին»,- ասել է արքայազնը: Նրա խոսքով՝ մայրը «գլխի ծանր վնասվածք էր ստացել, բայց նա դեռեւս ողջ էր» մինչ նրան լուսանկարում էին:
Արքայազն Ուիլյամն, իր հերթին, հայտարարել է, որ դագաղի ետեւից գնալը, որում իր մայրն էր, «իր կյանքում կատարած ամենածանր բանն էր»: Քեմբրիջի դուքսը, որն այդ ժամանակ 15 տարեկան էր, հիշել է, որ մազափունջն օգտագործել է «պաշտպանվելու համար անչափ երկար ճանապարհին»:
1997 թվականի օգոստոսի 31-ի գիշերը Փարիզում Դիանան ողբերգականորեն մահացել է ավտովթարից: Ավտոմեքենան, որով արքայադուստրն ընթանում էր, մեծ արագությամբ մխրճվել է Ալմա կամրջի տակ գտնվող թունելի պատին: Դիանայի ընկերը՝ կինոպրոդյուսեր Դոդի ալ Ֆայեդը եւ վարորդը տեղում մահացել են, թիկնապահը ծանր վնասվածքներ է ստացել: Ավտովթարից հետո ծանր վիրավորված Դիանային հիվանդանոց են տեղափոխել, որտեղ մի քանի ժամ անց նա մահացել է:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
ԵՔՀ 8-րդ գագաթնաժողովի բացման արարողությունը Երևանում. ուղիղ
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
Էլեկտրաէներգիայի ընդհատումներ կլինեն Երևանում և մարզերում