13-ամյա հայուհին ֆրանսիական «Voice»-ի հանդիսատեսին ստիպել է հոտնկայս ծափահարել իրեն (տեսանյութ)

Ֆրանսիական «Voice» երաժշտական նախագծի մանկական տարբերակի («The Voice Kids») «կույր լսումներին» է մասնակցել Մոնիկա անունով հայուհին, որն իր հրաշալի ելույթով ստիպել է ժյուրիի անդամներին շրջվել իր կողմը, իսկ հանդիսատեսին էլ՝ հոտնկայս ծափահարել:

Ինչպես նշում է tf1.fr կայքը, 13-ամյա աղջիկը լսումների ժամանակ կատարել է Ուիթնի Հյուսթոնի «I have nothing» հիթն ու արժանացել ժյուրիի անդամների բարձր գնահատանքին:

Տաղանդավոր հայուհին պատմել է, որ բեմում երգում է 3 տարեկանից ու կարող է երգել 5 լեզվով՝ այդ թվում հայերեն:

Մոնիկան խոստովանել է, որ հայազգի շանսոնյե Շառլ Ազնավուրի երկրպագուհին է ու որ անչափ հպարտ է հայկական արմատներով:

Նշվում է, որ մասնակիցը ժյուրիի 3 անդամից որպես ուսուցիչ ընտրել է Պատրիկ Ֆիորիին: