Գվարդիոլան՝ աշխարհի լավագույն մարզիչ, Մոուրինյոն 19-րդն է, Զիդանը՝ 21-րդը

FourFourTwo հեղինակավոր կայքը կազմել է աշխարհի 50 լավագույն մարզիչների ցուցակը, որը գլխավորում է Անգլիայի նորընծա չեմպիոն «Մանչեսթեր Սիթին» գլխավորող Խոսեպ Գվարդիոլան:

Կատալոնացի մասնագետին հաջորդում է «Ինտերի» հետ Իտալիայի չեմպիոնի կոչումը ժամանակից շուտ նվաճած Անտոնիո Կոնտեն, իսկ լավագույն եռյակը եզրափակում է Մադրիդի «Աթլետիկոյի» գլխավոր մարզիչ Դիեգո Սիմեոնեն:

Մադրիդի «Ռեալի» գլխավոր մարզիչ Զինեդին Զիդանը հայտնվել է 21-րդ տեղում:

Հիշեցնենք, որ այս մրցաշրջանում «Մանչեսթեր Սիթին» Խոսեպ Գվարդիոլայի ղեկավարությամբ երրորդ անգամ դարձավ Անգլիայի չեմպիոն՝ առաջին տեղն ապահովելով ժամանակից շուտ։ Մանչեսթերյան ակումբը նաև պատմության մեջ առաջին անգամ դուրս է եկել Չեմպիոնների լիգայի եզրափակիչ, որտեղ մայիսի 23-ին կմրցի Լոնդոնի «Չելսիի» հետ:

Աշխարհի լավագույն մարզիչները FourFourTwo-ի վարկածով

Խոսեպ Գվարդիոլա («Մանչեսթեր Սիթի»)
2. Անտոնիո Կոնտե («Ինտեր»)
3. Դիեգո Սիմեոնե («Աթլետիկո»)
4. Յուրգեն Կլոպ («Լիվերպուլ»)
5. Յուլիան Նագելսման («Լայպցիգ»)
6. Հանս-Դիտեր Ֆլիկ («Բավարիա»)
7. Թոմաս Տուխել («Չելսի»)
8. Մաուրիսիո Պոչետինո (ՊՍԺ)
9. Ջան Պյերո Գասպերինի («Ատալանտա»)
10. Բրենդան Ռոջերս («Լեսթեր»)
11. Մարսելո Բյելսա («Լիդս»)
12. Մարկո Ռոզե («Բորուսիա Մյոնխենգլադբախ»)
13. Օլե-Գունար Սուլշեր («Մանչեսթեր Յունայթեդ»)
14. Կարլո Անչելոտի («Էվերտոն»)
15. Սթիվեն Ջերարդ («Գլազգո Ռեյնջերս»)
...
19. Ժոզե Մոուրինյո («Ռոմա»)
...
21. Զինեդին Զիդան («Ռեալ»)