«Բարսելոնան» միացել է Լևանդովսկու համար պայքարին

Կատաոնական «Բարսելոնան» մտադիր է ձեռք բերել Մյունխենի «Բավարիայի» և Լեհաստանի հավաքականի հարձակվող Ռոբերտ Լևանդովսկուն, հայտնում է Sky Sport Germany-ն:

32-ամյա ֆուտբոլիստը վաղուց է ցանկանում խաղալ Իսպանիայում: Սակայն նրա տեղափոխությանը «Բարսելոնա» կարող է խոչընդոտել կատալոնական ակումբի ֆինանսական վիճակը:

Լևանդովսկու ծառայություններով հետաքրքրված են եվրոպական մի շարք առաջատար ակումբներ: Նրանցից մի քանիսն արդեն կապ են հաստատել նրա գործակալի հետ: Այդ հետաքրքրությունը չի անհանգստացնում «Բավարիային», որտեղ վստահ են, որ Լևանդովսկին չի հեռանա ակումբից:

Հիշեցնենք, որ լեհ հարձակվողը 2014 թվականից է հանդես գալիս «Բավարիայում», որի կազմում Բունդեսլիգայի այս մրցաշրջանում անցկացրել է 28 հանդիպում, դարձել 40 գոլի ու 7 գոլային փոխանցման հեղինակ: Նրա գործող պայմանագիրը նախատեսված է մինչև 2023 թվականի ամառ: