Ֆլիկը 3 տարվա պայմանագիր կկնքի Գերմանիայի հավաքականի հետ

Մյունխենի «Բավարիայի» գլխավոր մարզիչի պաշտոնից հեռացող Հանս-Դիտեր Ֆլիկը փոխհամաձայնության է եկել Գերմանիայի ֆուտբոլային միության հետ:

Abendzeitung-ի համաձայն՝ գերմանացի մասնագետի պայմանագիրը նախատեսված կլինի 3 տարով: Ֆլիկը Գերմանիայի հավաքականը կգլխավորի Եվրո-2020-ից հետո:

Հիշեցնենք, որ Հանս-Դիտեր Ֆլիկը «Բավարիան» գլխավորում է 2019թ․ նոյեմբերից։ Նրա ղեկավարությամբ թիմը դարձել է Գերմանիայի կրկնակի չեմպիոն, գավաթակիր, սուպերգավաթակիր, Չեմպիոնների լիգայի հաղթող, Եվրոպայի սուպերգավաթակիր, աշխարհի ակումբային չեմպիոն։

Այս մրցաշրջանի վերջում «Բավարիան» կգլխավորի գերմանական «Լայպցիգի» 33-ամյա գլխավոր մարզիչ Յուլիան Նագելսմանը:

Գերմանիայի հավաքականը Հայաստանի մրցակիցներ է 2022թ. աշխարհի առաջնության ընտրական փուլում: