«Ռեալի» նախագահ․ Ոչ ոք չի հասկանում ՉԼ-ի նոր ձեւաչափը, ակումբները կսնանկանան

Մադրիդի «Ռեալի» նախագահ, նորաստեղծ Սուպերլիգայի ղեկավար Ֆլորենտինո Պերեսը քննադատել է Չեմպիոնների լիգայի նոր ձեւաչափը, որը կկիրառվի 2024 թվականից։

«Ոչ ոք չի հասկանում Չեմպիոնների լիգայի նոր ձեւաչափը, չի հասկանում, թե ինչու 2024 թվականից։ Կամ մենք կշտկենք դրությունը, կամ բոլոր ակումբները կսնանկանան։

Ակումբների սնանկությունների պատճառով կլինի ապստամբություն, քանի որ կգոյատեւեն միայն պետությունների կողմից ֆինանսական աջակցություն ստացող ակումբները, կամ միլիարդատեր սեփականատերեր ունեցողները։

Այդ սեփականատերերը պատրաստ են սեփական զվարճանքի համար ամեն մրցաշրջանում մի քանի հարյուր միլիոն եվրո կորցնել»,- Պերեսի խոսքը մեջբերում է AS –ը։

ՈւԵՖԱ-ն ապրիլի 19-ին հավանություն է տվել ՉԼ-ի նոր ձեւաչափին։ 32-ի փոխարեն կմասնակցի 36 ակումբ։ Խմբերի բաժանում չի լինի։ Բոլոր թիմերը հանդես կգան մեկ լիգայում, կանցկացնեն 10-ական հանդիպում։ Լավագույնը 8-ը դուրս կգա քառորդ եզրափակիչ։