«Ռոմայի» առանցքային խաղացողներից մեկը բաց կթողնի «Մանչեսթեր Յունայթեդի» հետ հանդիպումը

Իտալական «Ռոմայի» իսպանացի կիսապաշտպան Պեդրո Ռոդրիգեսը մկանային վնասվածք է ստացել, հայտնում է Sky Sport Italia-ն:

Նախնական տվյալներով, 33-ամյա ֆուտբոլիստը բաց կթողնի 10 օր և չի կարողանա մասնակցել «Ատալանտայի» դեմ A Սերիայի խաղին (ապրիլի 22-ին) ու անգլիական «Մանչեսթեր Յունայթեդի» հետ Եվրոպայի լիգայի կիսաեզրափակիչի առաջին հանդիպմանը (ապրիլի 29):

Ընթացիկ մրցաշրջանում Պեդրոն «Ռոմայի» կազմում անցկացրել է 35 հանդիպում, դարձել 5 գոլի ու 3 գոլային փոխանցման հեղինակ: