Եվրո-2020. Մյունխենի քաղաքապետը ՈւԵՖԱ-ին երաշխիքներ չի տվել երկրպագուների հարցում
Մյունխենի քաղաքապետ Դիտեր Ռեյտերը հրաժարվել է ՈւԵՖԱ-ին երաշխիքներ ներկայացնել ֆուտբոլի Եվրոպայի առաջնության խաղերում երկրպագուների՝ ստադիոն մուտք գործելու հարցում:
Ավելի վաղ հայտնի էր դարձել, որ կորոնավիրուսի համավարակի պատճառով մեկ տարով հետաձգված Եվրո-2020-ը հյուրընկալող 12 քաղաքներից չորսը (Մյունխեն, Հռոմ, Բիլբաո, Դուբլին) դեռ տեղեկություն չեն ներկայացրել խաղերին երկրպագուների առկայության վերաբերյալ: ՈւԵՖԱ-ն այդ քաղաքներին ժամանակ է տվել մինչև ապրիլի 19-ը:
«Այսօրվա դրությամբ մենք չենք կարող բացառել, որ հունիսին երկրպագուներին չեն արգելի մուտք գործել ստադիոններ: Դա կապված է կորոնավիրուսի տարածման ու Բավարիայում առկա սահմանափակումների հետ»,- Մյունխենի քաղաքապետի խոսքը մեջբերում է Reuters-ը:
Հիշեցնենք, որ կորոնավիրուսի համավարակի պատճառով Եվրոպայի առաջնությունը հետաձգվել էր մեկ տարով և կանցկացվի 2021 թվականի հունիսի 11-ից հուլիսի 11-ը: Եվրոպայի առաջնության եզրափակիչ մրցաշարն առաջին անգամ պետք է տեղի ունենա 12 քաղաքներում՝ Լոնդոնում, Մյունխենում, Հռոմում, Կոպենհագենում, Բուխարեստում, Ամստերդամում, Դուբլինում, Բիլբաոյում, Բուդապեշտում, Սանկտ Պետերբուրգում, Գլազգոյում եւ Բաքվում:
Մյունխենում նախատեսված են անցկացնել խմբային փուլի 3 խաղեր ու քառորդ եզրափակիչի մեկ հանդիպում:
ՀՀ տարածքում Ադրբեջանի ԶՈՒ դիրք չի կառուցվել. ՊՆ մամուլի խոսնակ
Ցիկլոնի ներթափանցմամբ պայմանավորված տեղումներ, բուք կլինեն
Դադարեցրել եմ անդամակցությունս «Քաղաքացիական պայմանագիր» կուսակցությանը․ Վլադիմիր Վարդանյան
Ինչո՞ւ չունենք կանաչ Երևան
Տղամարդն Իրանից Հայասատան է տեղափոխել 22 կգ թմրամիջոցով պարկ
Պարզեցվել է անհատական բնակելի տների կառուցման գործընթացը
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Մեկ հպումով հնարավոր կլինի արգելափակել առցանց եղանակով իրականացվող ֆինանսական գործառնությունները
Իրանի հանգուցյալ գերագույն առաջնորդի կինը ողջ է
ՆԳՆ ոստիկանությունը հորդորում է զգոն լինել․ շարունակում են շրջանառվել կեղծ օգտահաշիվներ