Ռայոլան Հոլանդի համար պահանջում է շաբաթական 1,1 միլիոն եվրո աշխատավարձ

Դորտմունդի «Բորուսիայի» հարձակվող Էրլինգ Հոլանդի իտալացի գործակալ Մինո Ռայոլան ցանկանում է, որ 20-ամյա նորվեգացի ֆուտբոլիստը դառնա շաբաթական 1,1 միլիոն եվրո վարձատրությամբ առաջին ֆուտբոլիստը, հաղորդում է բրիտանական The Mirror-ը։

Այդ պահանջը կարող են կատարել անգլիական «Մանչեսթեր Սիթին», Մադրիդի «Ռեալն» ու ֆրանսիական ՊՍԺ-ն։

Այս ամիս Ռայոլան Հոլանդի հոր հետ արդեն բանակցել է «Բարսելոնայի» եւ Արքայական ակումբի ներկայացուցիչների հետ։

Հոլանդի տրանսֆերային արժեքը գնահատվում է 110 միլիոն եվրո։ Նրա պայմանագիրը «Բորուսիայի» հետ նախատեսված է մինչեւ 2024թ․ հունիս։

Գերմանիայի ընթացիկ առաջնությունում Հոլանդը 23 խաղում խփել է 21 գոլ, կատարել 5 գոլային փոխանցում։